منتديات همسة ملاك

همسة ملاك ارقى تجمع عربي
 
الرئيسيةشاتس .و .جبحـثالأعضاءالمجموعاتالتسجيلدخول

شاطر | 
 

 نق .. نق .. نق .. واريضه ..

اذهب الى الأسفل 
كاتب الموضوعرسالة
yMoN
مدير الموقع
مدير الموقع
avatar

عدد الرسائل : 305
العمر : 33
تاريخ التسجيل : 10/09/2008

مُساهمةموضوع: نق .. نق .. نق .. واريضه ..   الإثنين ديسمبر 01, 2008 6:30 pm



مقال كتير حلو


بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين.....منق
صبح ومسا وكل شي عنا بينتسى إلا النق
بالجد وبالمزح.....منق


::: جذور النق :::

الشاب السوري ( شباب وصبايا ) منين بيجيبوا هالنق ؟!؟!؟
باختصار بجيب النق من بيت أبوه حبيبي.....لا عن جد عم أحكي ما عم أمزح
فنحن جيل اعتاد على التربية النقاقة....
قوم فيق صارت الساعة ستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى هلأ بيبرد الأكل
قوم اتغدى يلا....
وفي السهرة :
تعال تعشا ما تغديت منيح لأنك...
تعال تعشى...ما بدك تتعشى...يلا قوم ع العشا....

::: حكاية نق :::

في سنة البكالوريا: إيمتى بدي خلص وفوت ع الجامعة بقا
(( وبيضل بينق وينق وبينسى يدرس.....))

في السنة الأولى للجامعة:أووف شو عم حن لأيام المدرسة..
.إيمتى بدي أتخرج يالله هف لسه كم سنة هفف

بعد التخرج : ييي شو مشتاق لرفقاتي بالجامعة وكيف كنا....

هفف يا ريتنا ما تخرجنا ضاق خلقي من النوم للضهر والطلعات
والفرجة ع التلفزيون بدي اشتغل واستقر

بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام

لتفيق ع الشغل...شو هالعيشة هفف والله شي بملل...حياة بتقصر العمر

خطب بنت بحبها:هفف إيمتى بدنا نتزوج ونكون مع بعض لوحدنا...

أتجوزوا:هفف من هالروتين والله شي بملل شو رأيك نجيب ولد

صار الشب أبو العيال: لك شو هالبلوة بدي ضل عم زق غراض متل الحمار..

.هفف ع هالعيشة يرحم أيام كنا راسين....وقت كنا مو فاضيين غير للحب

::: أعزائي الأعضاء كنتم مع مسلسل هفف من بطولة نقاق سوري :::

::: جاي على بالي نق :::

صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها

ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....
هنا تبدأ الفتاة بدورها الهام وتقوم بالنق على رأسه
أنا هيك..أنت عم تشك فيني..شو مافي ثقة..
أنت عم تحكم على علاقتنا بالنهاية إذا بدك تضل غيور..وعلى إيهي إيهي
ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي.

.ما شفته كيف كان عم يطلع فيني...
أجاني ميسكول من رقم غريب وما حاولت تعرف مين صاحب الرقم.
.شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!

::: نقاق شرقي :::

شاب شرقي نقاق :
أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
بعد الزواج من المثقفة والذي لم يستمر أكثر من 3 أشهر


الشاب شرقي النقاق :

طلعتلي روحي بضل حاطة راسها بالكتاب...
لا بهمها طبخ ولا نفخ...بعدين بضل عم تجادلني...وعلى وجهة نظري ووجهة نظرك
هديك المرة لسختها كف طيرتلها وجهها كله مو بس وجهة نظرها...
هفف أن بدي وحدة حنونة تسايرني

بعد زواجه من الحنونة الذي لم ولن يستمر أكثر من شهرين


الشاب شرقي النقاق :

قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية

لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة.....
لك أنا بدي وحدة حلوة ست بتفهم بالاتيكيت

....
(( بعد زواجه من ست الصالون الذي لم ولن يستمر أكثر من شهر ))
الشاب شرقي النقاق :

هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية
ما في ولا مرة قرأت شي كتاب وشو ما بتحاكيها بتقلك ما بعرف وشو يعني....
(( لك أنا ما بقدر غير عيش مع وحدة مثقفة يا زلمة ))
ويستمر الشاب شرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق....أي والله

::: شعب بنق ليوم النق :::

والشعب السوري بشكل عام نقااااااااااااااااق .....
ها ها سألتني ليش لأنو يا أخي نحنا على طول بنقول شوف أوربا ما أحلا شوارعها
شوف العالم شلون.....شوف شوف السير عندهم شوف النظافة....
شوف........أي شفت

(( شبك حبكت معك شوف شوف ))
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
و
قال شو بدهون يقلدوا بلاد برا قال...!!؟!؟!؟!؟!!

آآآآآآآآآآآآآآآآيـــــــه سكتنا ما عاد نق...
هلأ دوركون لتنقواااااااااااااااااااااااا....


_________________


قالت امي يوما
اخاف يا أبني أن يقتلك طموحك
لا تعلم أن
رموشك هي اخر سماء لأحلامي
والموت وجدته
قربك دمية بريئة

•ღღ••ღღ••ღღ••ღღ••ღღ•

بين عتمة رموشك
وفجر عيونك
بنيت مملكتي
حين رأني اهرمزاذ
قال هذه مملكة الله ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MALCOM-X
مشرف
مشرف
avatar

ذكر
عدد الرسائل : 135
العمر : 31
العمل/الترفيه : دكتور يغزي العين
المزاج : كل يوم شكل
تاريخ التسجيل : 16/09/2008

مُساهمةموضوع: رد: نق .. نق .. نق .. واريضه ..   الأربعاء ديسمبر 03, 2008 11:07 am

ههههههههههههههههههههههههههههههههههههههههههههههههه

لك تضرب شو دب
والله كل كلامك مزبوووووووووووووووووووووووووط
يسلموا رامي
بعدين وينك لهلق مارجعت من السفر
كرتيك وبابول اشتاقولك ولاتنسى اّل قلعه جي كمان
تقبل مروري

_________________

لا تجعل مشاعرك ارضاً يداس عليها
بل سماءً يتمنى الجميع الوصول إليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yMoN
مدير الموقع
مدير الموقع
avatar

عدد الرسائل : 305
العمر : 33
تاريخ التسجيل : 10/09/2008

مُساهمةموضوع: رد: نق .. نق .. نق .. واريضه ..   الخميس ديسمبر 04, 2008 7:00 pm


حبيب قلبي انت
والله اشتقتلك كتير

نورت الموضوع بوجودك يا غالي

وانا طيارتي يوم الاحد
راجع يوم الوقفه

تحياتي

_________________


قالت امي يوما
اخاف يا أبني أن يقتلك طموحك
لا تعلم أن
رموشك هي اخر سماء لأحلامي
والموت وجدته
قربك دمية بريئة

•ღღ••ღღ••ღღ••ღღ••ღღ•

بين عتمة رموشك
وفجر عيونك
بنيت مملكتي
حين رأني اهرمزاذ
قال هذه مملكة الله ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
magic boy
عضو نشيط
عضو نشيط


ذكر
عدد الرسائل : 98
العمر : 29
العمل/الترفيه : طالب
المزاج : رايق
تاريخ التسجيل : 16/12/2008

مُساهمةموضوع: رد: نق .. نق .. نق .. واريضه ..   الخميس ديسمبر 18, 2008 5:19 am

موضوع روعة .. شكرا كتير ..
هههههههههه وانا اكرهـ شي بحياتي هالنق ..
مع انو انا اكتر واحد بينق ههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة لا يهتز عرشها

avatar

انثى
عدد الرسائل : 36
العمر : 29
العمل/الترفيه : طالبه
المزاج : رواء
تاريخ التسجيل : 26/09/2008

مُساهمةموضوع: رد: نق .. نق .. نق .. واريضه ..   الإثنين فبراير 02, 2009 12:00 am

ههههههههههههههههههههههههههههههههههههههههههههههههههههههههههههههههه

هههههههههههههههههههههههههههههههه
يحرء حريشك يارموشه
شو هالنئ هاد
هههههههههههههههه بجد فرطتني ضحك
فعلا متل ما قلت يا خالد كلو مظبوط
ليش نحن منقدر بدون النئ ؟
اكيد لا وخاصة نحن البنات ههههههههه شغلتنا وعملتنا هههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نق .. نق .. نق .. واريضه ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همسة ملاك :: (¯`·._) ( المملكة الرئيسية) (¯`·._) :: •ღ قصر إستراحة الأعضاء ღ•-
انتقل الى: