منتديات همسة ملاك

همسة ملاك ارقى تجمع عربي
 
الرئيسيةشاتس .و .جبحـثالأعضاءالمجموعاتالتسجيلدخول

شاطر | 
 

 حياتنا بسوريا قبل الدش...؟؟؟

اذهب الى الأسفل 
كاتب الموضوعرسالة
MALCOM-X
مشرف
مشرف
avatar

ذكر
عدد الرسائل : 135
العمر : 30
العمل/الترفيه : دكتور يغزي العين
المزاج : كل يوم شكل
تاريخ التسجيل : 16/09/2008

مُساهمةموضوع: حياتنا بسوريا قبل الدش...؟؟؟   الخميس يناير 29, 2009 12:41 pm

حياتنا قبل الدش......




أرضنا الخضراء:
ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سرو


-الايدي الماهرة:
و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!


مع العمال:
و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
-

نحن الطلبة:
كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي شغلات ثانوية..وعلى مهرجانات خطابية!!انا بفضل يتسمى مع الدبيكة و رقيصة العربي!
-

أطفال هواة:
يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-

الطلائع:
برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة!!

Embarassed

_________________

لا تجعل مشاعرك ارضاً يداس عليها
بل سماءً يتمنى الجميع الوصول إليها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
more7777777
مدير المشرفين
مدير المشرفين
avatar

ذكر
عدد الرسائل : 531
العمر : 87
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

مُساهمةموضوع: رد: حياتنا بسوريا قبل الدش...؟؟؟   الخميس يناير 29, 2009 4:00 pm


Idea
والله بيجوز ياخالد معك حئ بكل اللي ئلتو

بس بتعرف عنجد راجع هديك الأيام بتلائيها أحلى

هلئ مثلاً
33 محطة أغاني
و22 رياضيّة
و40 أفلام مختلفة
و33 محطات دينيّة
و20 أخباريات
و و و و و و و
فكرك شو عمنفهم منن؟!
ولا شي؟!
بتعرف شو كسبوا هالعالم
من هالطفرة بالاعلان والاعلام
ازا جاز التعبير ؟
بس أنو هالأجيال الصاعدة
((تفتْحوا ))زيادة عن اللزوم
وأنا عندي متل
عطول بحب ئوّلوّ
سقى الله أيام الواوا
لسة يامحلا هالأيام
شي راكبة على حصان وشي الحصان.......
ومافي داعي لذكر الأمثلة
واتصل واربح 22000 $
وأم خابور بتخبرك على برجك
وبتفتحلك فال
وشي أجنحة وشي تمنع التسرب
بئى ميّة برنامج ارضنا الخضراء
ولا نشوف هالمساطر البهلولية
المُعهْرة
بطريقة أو بأُخرى
صح!؟
ولا صح؟!

_________________

كل واحد وحدّه واحد..
مهما توّحد مع واحد بيضل وحدُه
واحد وحيد
وحدُو الوحيد حدّ حدوده الواحدة حادد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://syriatop.mam9.com
بلقيس
نائبة المدير
نائبة المدير
avatar

انثى
عدد الرسائل : 261
العمر : 97
العمل/الترفيه : لا شغله ولا عمله
المزاج : عال متل بعضو
تاريخ التسجيل : 11/11/2008

مُساهمةموضوع: رد: حياتنا بسوريا قبل الدش...؟؟؟   الجمعة يناير 30, 2009 1:39 am

هههههههههههههه
لك يا زلمه كلو كوم ونشره الاخبار كوم تاني
يلي بيقرهني انو بيحطولك خبر عاجل عالشاشه من تحت ببخط احمر عريض
بتقوم انت بتبحلق بالشاشه شو صاير يا ترى
بيطلع هالخبر شايفو بمحطات تانيه قبل 3 تيام ويلي مات مات ويلي مدري شو
مو ناقص غير تدقلون عالمحطه وتقلون شو رح يصير بعدين
بصيرو يستضيفوك براس السنه مشان تتنبأ شو رح يصيربلسنه لجديده ههههههه
وقال شو خبر عاجل !! تقول عايشين بالمريخ نحنا..
ايه دنيااا عيش كتير بتشوف كتير بعدين دخلك مين لسا عم يشوف تلفزيون
من لما تعرفو الناس عالنت صار هوي التلفزيون والراديو والبراد ولفرن
ههههههه

لك شكرو لربك انو ما عم نطور ولي كنا شفنا العجايب بهالتلفزيون
لانو نحنا العرب بس نقرر نتطور شووي بنزيد نسبه الانحرااف بنفكر
انو هيك اتطورنا وصرنا احسن

Question خالد
[/color]

_________________


...............................
يا قارئ خطي لا تبكي على موتي..
فاليوم أنا معك .. وغداً في التراب..
فإن عشت .. فإنا معك..وإن مت .. فللذكرى..!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yMoN
مدير الموقع
مدير الموقع
avatar

عدد الرسائل : 305
العمر : 33
تاريخ التسجيل : 10/09/2008

مُساهمةموضوع: رد: حياتنا بسوريا قبل الدش...؟؟؟   الجمعة يناير 30, 2009 11:10 pm


Idea
والله يا جماعه كلامكم على عيني وراسي
وماتركتولي شي احكيه
ومتل ما قالت بلقيس النت هالايام صاير هو الغساله والبراد والمكوايه
وكل شي
ونحن العرب كل ما لاقينا طريقه جديده للانحراف منحسب ان عملنا شي
وفعلا هالايام صايره
الفنانه اذا ما شمرت من فوق ومن تحت ما بتنشهر
والشهره اذا تحققت معناتا هون ابدعو في انتاج البرنامج
وصار ناجح
طبعا هاد بتفكير عربي
مالكم شايفين شو الفرق بين افلام الاجانب وافلام العرب
الافلام الاجنبيه بعتمدو على الخيال على خلق قصه الها هدف
او افلام فيها شوية كذب بس ليش الكذب بتكون ممتعه

اما الافلام العربيه ماشاءالله متطوره اكتر منهم
نحن عنا معتمد على شلون بدو يخون مرتو
وشلون هي راحت لعند صاحبها من وراه
وشلون هلئ بهالمقطع بدو يبوسها
وشو بيعملو البنات والشباب وقت المراهقه - محسبين ان عم يوعو الجيل
ومو عرفانين ان عم يعلموه على هالشي
طبعا اكتر شي بعتمدو عليه هو شو بدهم يلبسوها للفلتانه - قصدي الفنانه
طبعا كل ما بينت سيقانها ودلئ صدرا لبرا ومارست دور التعهر
كل ما كان الفلم لافت اكتر

وانت نضال شو قصتك مع الواوا ؟ Idea


يسلمو خالد على موضوعك الحلو
تحياتي ياغالي Question

_________________


قالت امي يوما
اخاف يا أبني أن يقتلك طموحك
لا تعلم أن
رموشك هي اخر سماء لأحلامي
والموت وجدته
قربك دمية بريئة

•ღღ••ღღ••ღღ••ღღ••ღღ•

بين عتمة رموشك
وفجر عيونك
بنيت مملكتي
حين رأني اهرمزاذ
قال هذه مملكة الله ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حياتنا بسوريا قبل الدش...؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همسة ملاك :: (¯`·._) ( المملكة الرئيسية) (¯`·._) :: •ღ قصر المواضيع العامه والمتنوعه ღ•-
انتقل الى: