منتديات همسة ملاك

همسة ملاك ارقى تجمع عربي
 
الرئيسيةشاتس .و .جبحـثالأعضاءالمجموعاتالتسجيلدخول

شاطر | 
 

 لماذا حين نختلف نفترق

اذهب الى الأسفل 
كاتب الموضوعرسالة
بلقيس
نائبة المدير
نائبة المدير
avatar

انثى
عدد الرسائل : 261
العمر : 98
العمل/الترفيه : لا شغله ولا عمله
المزاج : عال متل بعضو
تاريخ التسجيل : 11/11/2008

مُساهمةموضوع: لماذا حين نختلف نفترق   الإثنين فبراير 02, 2009 5:03 am



لمـاذا حين نختلف نفترق !! وحين نفترق نندم !!

ما نسبة صحة هذه المقولة 100% أم 80% أم 50% أم أقل أم أكثـر؟؟


فإذا كان الاختلاف.. يؤدي إلى — القطيعة — أين يذهب الود؟؟

وإذا كان الاختلاف يحتاج سنين حتى تعود المحبة من جديد فأين الفضيلة

وإذا كان الاختلاف يؤدي إلى — الهجـر — فأين تذهب المحبة؟؟

وإذا كان الاختلاف يؤدي إلى –الأحقاد — فأين تذهب المصداقية ؟؟

الاختلافات لا بد منها وهي جزء لا يتجزأ في هذه الحياة.. فهي سنه من سنن الحياة

لأن سببها هو الإنسان

ولا ننسى أن الإنسان معرض للخطأ .

والخطأ هو الذي يسبب هذه الاختلافات

وبالتالي فإنها من الطبيعة الإنسانية.


اختلافنا مع إخواننا وأصدقاؤنا بل كل من نعرف أحدهم يسمي صديق عمره

( بصديق الندامـة أو أخ الندامة) أهذا كلام يعقل؟؟

فيقول(عندما تقاتل بالأفعـال لتثبت لصديقك أو لأخيك أنك

تحبـه بأمانة وتقدم له الدلائل عشرين عاماً،لكنه يترك كل هذه الأعوام

ليسمع في يوم رأيـاً مشككاً من الخـارج يعتبره الفاصل

فيكن من حقك أن تنزع الورقة التي سجلت بها اسمه في حياتك وترميها في سلة المهملات)

لِمَ نسرع أحيانا في التخلـّـص من أصدقاء وإخوان فعلوا الكثير من أجلنـا

وارتكبوا خطأ صغير أنـهينـا فيه كل شيء!!

وتكون كل الذكريـات مجرد ورقـة وترمى


في سلة مهملات……؟؟

_________________


...............................
يا قارئ خطي لا تبكي على موتي..
فاليوم أنا معك .. وغداً في التراب..
فإن عشت .. فإنا معك..وإن مت .. فللذكرى..!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
more7777777
مدير المشرفين
مدير المشرفين
avatar

ذكر
عدد الرسائل : 531
العمر : 87
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

مُساهمةموضوع: رد: لماذا حين نختلف نفترق   الإثنين فبراير 02, 2009 12:33 pm

تحياتي الك بلقيس

مابعرف ليش حسيّت وكأنك مالك حياديّة بهالموضوع؟!
وكأنو خطابك كله عتب وعتاب ومُعاتبة لطرف واحد بس
وهوة نحنا بحكم أنو عمتحاكينا نحنا اللي بالمنتدى؟
بحب ئلك ((طبعاًإزا بدْك))
طبعاً كل انسان معرض للخطأ
صح 200% أنا معك
طيب وليش مو معرض للاعتذار؟؟؟؟؟؟؟
ليش بيتنيّ وبيتلت وبيسبّع وبيمليين الخطأ تبعو
وبيضل مُصر أنه ملاك ويا حرام شو آدميّ
ساعتها شو المفروض ؟؟
أنا بعرف أنو المسامح كريم
بس ازا بدو يسامح 200 مرة ويضل يوئع بنفس الــ (طابوسة) هههههههههه
مابيعود كريم بيصير دب معبى بـ بنطلون
مو هيك ولا مو هيك
تعي لنشوف مستعد ناقشك من هون لسنة
ولا ترتعبي من طريئة الحكي
خليّ البساط أحمديّ
وخلينا نحكي بكل أريحيّة مو يسلمو وميرسي والآيل ان شاالله
بدنا نحكي بتجرد
وهلء السؤال موجه الك؟
ازا حدى باع التاني شو المفروض يعمل التاني؟؟


يبيع حالو كمان وكمان وكمان لحتى يرضي الأولاني
pirat

_________________

كل واحد وحدّه واحد..
مهما توّحد مع واحد بيضل وحدُه
واحد وحيد
وحدُو الوحيد حدّ حدوده الواحدة حادد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://syriatop.mam9.com
بلقيس
نائبة المدير
نائبة المدير
avatar

انثى
عدد الرسائل : 261
العمر : 98
العمل/الترفيه : لا شغله ولا عمله
المزاج : عال متل بعضو
تاريخ التسجيل : 11/11/2008

مُساهمةموضوع: رد: لماذا حين نختلف نفترق   الثلاثاء فبراير 03, 2009 2:54 am

نضااال احيك بالتحيه نفسها واكثر

اولا ما رح قلك ميرسي على ردك وامشي

لانو انا ما تعودت حدا يدعيني للنقااش وما ناقشو

او حدا يطرح موضوع معين للحوار وما اعطي هالموضوع حقو

واكتب يلي بقدر عليه ويلي وقتي بيسمحلي فيه كمان

اما بالنسبه لموضوعي صدقاا ما كان عتاب موجه للموجودين بالمنتدى

ولا فكره معينه حابه وصلها بطريقه مباشره او غير مباشره لالكون

كاعضاء وافراد لاسره هالمنتدى

اصلا ما في شي بيدعي اني عاتبكون او وجهلكون هالحكي لالكون

بالعكس موضوعي طرحتو لحتى كلنا نعطي رأينا فيه

هاد موضوع عام للنقاش ما وجهتو لحداا محدد

هي حاله موجوده عم تصير

وكل واحد فينا ممكن يمر فيها


يمكن انا طرحت الموضوع بصيغه ملامه للي عم يقرا .. بس هاد لحتى نحس بالموضوع مو اكتر

سيدي الكريم موضوعي بيطرح شغله مححده وهيي باختصار :
( الخلافات يلي بتبلش باسباب صغيره وبسيطه نتاجا او عواقبا بتكون اكبر من السبب نفسو


وبالتالي بنكون خسرنا ناس بنحبون )

يعني متل ما بنقول بالعاميه بنعمل من الحبه ابه ...........

طبعا هالشي بيكون ضمن العائله مثلا او بين الاصدقاء او بين الاخوه...

متل ما عم نشوف او نسمع احيانا انو بيصير خلافات بوجه النظر بين الاهل واولادن

او بتصير مشكله صغيره بيقوم الولد بيترك البيت وببطل يرجع
او الاهل بيطردوه .. الاهل بيفكرو انو هيك انسب حل ولكن ما بيعرفو انو هالشي عواقبو رح تكون اكبر

بتلاقيه بعد كم يوم تعرف عحدا مو منيح وانحرف الولد او انتزع فبنقول يا ريت هالشي ما كان

هاد احد الامثله ..

خليني اعطيك مثال تاني بعيد عن العائله وهني اللاصدقاء بيكونو صرلن سنين مع بعضون

وعلاقتون متينه والناس بتحسدون على بعض بيجي مشان شغله صغيره او خبر مو ماكد

بتصير مشكله بيناتون وخلاف هالخلاف بادي انو يتركو بعضون وتصير علاقتون متفككه

وبينسو كل هالسنين يلي قضوها مع بعض بظرف 10 دقايق مشان شو ؟ مشان شغله فاضيه

طيب مهالشخص كان معك عالحلوه والمره معقول هيك شغله تخليك تتركو وكانو ما كان!!


و اذا هالشخص غلط عليك مره وتنين اوكي سامحو ما في احلا من التسامح
خصوصا لما بيكون صديق حقيقي بالنسبه الك بكتير مواقف

لا تنسى انو مقابل هالغلطين عامل الف منيح معك ..

ولكن اذاصار متل ما عم تقول انو بيغلط مره وتنين وعشره وكل مره عم ياذيك

فهاد من البدايه مو صديق هاد انسان عادي من يلي بنواجهون بحياتنا

ما بتقدر تقلي عنو صديق حقيقي ...

ازا حدى باع التاني شو المفروض يعمل التاني؟؟


يلي باعك بيعو هيك بيقولو

ولما شخص بيبعك باول فرصه هالحدى ما بتكون بتعنيلو شي مطلقاا

ولا بيكون اصلا بيستاهل القيمه الي عاطيه ياها

يعني العلاقه من اولها بتكون غلط بغلط وسوء تقدير منا نحناا

وهلء صارت الوقت انو الك شكرا كتير لمرورك الكريم على موضوعي

لك مني كل الود drunken

يتبع ....................


_________________


...............................
يا قارئ خطي لا تبكي على موتي..
فاليوم أنا معك .. وغداً في التراب..
فإن عشت .. فإنا معك..وإن مت .. فللذكرى..!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لماذا حين نختلف نفترق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همسة ملاك :: (¯`·._) ( المملكة الرئيسية) (¯`·._) :: •ღ قصر الرأي العام والحوار المعاصر ღ•-
انتقل الى: