منتديات همسة ملاك
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات همسة ملاك

همسة ملاك ارقى تجمع عربي
 
الرئيسيةشاتأحدث الصورالتسجيلدخول

 

 & سبعة أرواح &

اذهب الى الأسفل 
+3
DANDONA
Angel
Camilia
7 مشترك
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالأحد أكتوبر 19, 2008 10:34 am

اليوم وفي عجلة سريعاً سريعاً كما قنبلة موقوتة

كلمتني حبيبتي الروحيّة وقالت سَآتيّ لنُكمل
لعبتنا السحرية
وقبلت أنا فلستُ بقادرٍ على شيء إلاّ حُبها وصمتي
وهائنذا قابعٌ هنا بكل صبر ..أنتظر إشارةً منها
أو غمزةً أو شبه غمزة
فحبيبتي هذه لا تُشبهُ أحداً
وقد أخبرتني بأنها كانت قريبة
ممممممم
مسكينة لا تعلم أنها حقاًوأبداً قريبة
هيَ في قلب قلبي متربعة
بل مُتمددة بكل أنوثة الأنثى الغجرية
أكادُ أموت في عيونها بل مِتْ وأنتهى الأمر
آآآآآآآهٍ
منها لو فقط قبلت أو أبدت رغبةً
لعلهُ نصيبنا
الحب العظيم لا ينتهي أبداً يبقى
كما الأسطورة
كما خمرة عتيقة
كما بنفسجةً غافية
وقلبي هوَ المزهرية
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة أكتوبر 24, 2008 12:20 pm

تدور طواحين الهواء وتتلوى كراقصة ماجنة


في غرابة شديدة كيف يا رب تتبعثرمشاعري

بين طواحين هواء

مرت السنين ...ككذبة...كإشاعة ...كسراب

وأنا لا زلت واقفاً كما طاحونة مندونما أذرع عتيقة

فقط أجتر الصمت وأعود إليه كطفل رضيع

مات حتى وصل إلى نهدٍ غض ولما وصل حقاً مات

ولتزداد لوعتي وصمتي و(تعهر) أفكاري العاهرة

دار الزمان وعاد هوَ نفسهُ وكرر نفسه

وهي جملة واحدة أقولها في قلبي وأرددها كصلاة

ما أصعب أن تهوى امرأةً ليس لها عنوان

يا رجلاً على هيئة تمثال شمع

يذوب ويذوب بحثاً عن وطنٍ عن مكان عن عنوان

وكأن حرف النون خارج سرب الأبجدية

فكلما تنتهي كلمةٌ بالنون
تتأنث بنون النسوة

وتصير صاحبة سكْتيّن مضمومتين مُصرتيّن

على الإحتفاظ بدليل الأنوثة

هل شعر أحد مثلي بنون الصمت حينما أتكلم أنا
تسكت النون....... وتموت العيون

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالأربعاء أكتوبر 29, 2008 3:38 pm

لا كلامك ... لا صدى صوتك..ولا لون عيونك

مو أنت؟؟ أنت اللي كنت
آآآآآآآه منك أنت شو كنت
وآآآآآآآه مني أنا شو كنت
وآآآآآآآه من الآآآآآآآآه
من الجرح يوم يّعض السكيّن
من قلب متل الصخر قاسي قاسي
وشو مسكين
أسكن في اللامُبالاة وتسكنني حتى صارت هيَ وطني
أبحثُ عن علمٍ لوطني فلا أجد إلاّ عينيكَ
وطني وحُلميّ وصلاتي
أيُعقل أن يموت قلبي وأنا حيّ
هَهْ بل أنا ميّت منذ كان أمر الله
هكذا يقولون؟؟ أمر الله
وأنا مُضطر أن أُصدق
إن الله في عليائهِ لم يأمر بهكذا أمر
أن يصيّر المُرْ والمرارْ طعم الصبر
ويصيير الصبر كما البحر ؟
ولكن بلون الموت الأسود
تبغٌ ...و ..... وعيونكَ التي لن أنسى
يا كُليِّ يا كُل العُمر.
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة نوفمبر 07, 2008 3:23 pm


أليس من الغباء ومن السذاجة ومن العهر

أن يكون العنوان سبعة أرواح
وأنا لا أملك ولا حتى معنىً واحد لمعنى الروح
هل الروح = أن أتنهد وأزفر
رُبما ؟؟
لطالما تسائلت لماذا الله يخلق لنا عقولاً وقلوب
ألا يكفي عقل فقط أو قلب فقط
ولو يسألني الله سأجيب العقل فليهنأ كل من ليس لديه قلب
هذا الجبل الذي يقبع في الصدر
ولا يعلم سوى الله مابداخله لربما غاز طبيعي أو منجم ملح
لربما هواء أو جهنم الحمراء
تعلمت أو لربما بالأحرى آمنت
بأن الله يعطيني أكثر مما أطلب دائماً
أليس هذا غريباً أيضاً
أن أفترض أنه لدي عقل وأجلس وأُحلل وأُقنع نفسي
بأنني أفعل شيئاً غير الدوران والتماهي في المجهول
هنالك أناس ليسوا بحاجة للتعلم ؟؟الله يخلق معهم شيئاً إسمه فِطرة
أو موهبة أو حاسة
وعلى ما أعتقد بل أعتقد بأني متأكد بأني لست بحاجة
لأتناول شيئاً مُسكراً أو أستنشق بعض (هيروئين)؟!
لأن الله على ما أظن فطرني أن أكون مخشخش مندون خشخاشة
بالفعل شي عجيب كيف ماشي
هيك يعني شي غير الله مابيعرفو؟
وئبل ما حدى يفتح تمو وبيصيير ومابيجوز وحلال وحرام
أنا بظن عالإغلب ألله بيعرف أنو اليوم 8/11/2008
الساعة12:10 بتوقيتي
بس من يوم اللي خلئ الأرض والسموات السبعة
أنو بدي مخمخ وأحكي هالكتابة أو أكتب هالحكي
هلئ بالزات
فرجاءً اللي بيعرف من ئبل يجي يحاسبني واللي مابيعرف يعيرني سكوتو
واللي بدو يمحي الكتابة لأنو بيغار عالإنسان أو الإيمان
يسألني مشان أنا فهمو إزا حلال أو حرام لأنو يمكن بعرف شي هوة ما بيعرفو
بني آدم مابتعبي عينو الاّ فيروز
مو فيروز إنسان والإنسان من تراب
وجبران ..ألله يرحم ترابك يا جبران
ويرحم أبوك خليل ويرحم آل جبران كلن لأجلك
ئال شو بيعطي السؤال بصيغة جواب وبيرجع بيجاوب بجواب
ليسوا لكم ...؟ أبناء الحياة
يعني هاد أكبر دليل أنو الحياة بتمارس؟
بس مع مين هاد الشي اللي مو معروف
يمكن مع حالا بحالا
مو متل الخلئ بهالأيام بيجاوبو بسؤال
أنا عمبشرب فيروز عمعيش فيروز
عمبتغلغل بغلْيّ
عمبحكي متل ما ألله بيعرف أني بدي أحكي من ما بعرف كم مليون سنة


وئت اللي بلوّحلك وبسكْر الباب

بياخدني الحنين.. بفكر رح ئشتئلك
بفكر عهالباب رح أنطرْ سنيّن
وآآآآآآآه
يا باب المحفور عمريّ فيّك
رح أنطر وسمْيّك باب العزاب
في باب غرئان بريحة الياسمين
في باب مشتاء في باب حزين
في باب مهجور أهلو منسيين
هالأرض كلا بيوت
يا رب خليها مزينة ببواب
ولا يحزن ولا بيت ولا يتسكر باب
*******
ليالي الشمال الحزينة ضلي زكريني زكريني
ويسأل عليِّ
(((((((حبيبي )))))))
ليالي الشمال الحزينة

بس العلة مين أو وين أو أيمتى هاد الشي المهم

لأنو ليش معروفة

بس .

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة نوفمبر 07, 2008 5:54 pm

& سبعة أرواح & - صفحة 3 8_1_232

الرجوع الى أعلى الصفحة اذهب الى الأسفل
https://syriatop.mam9.com
yMoN
مدير الموقع
مدير الموقع
yMoN


عدد الرسائل : 305
العمر : 39
تاريخ التسجيل : 10/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء نوفمبر 18, 2008 4:24 am


يعني مفكر انا مافهمت شي ؟

اي هو راح بس بعدين وقع ومات فطيس

يلي قلته كله صح وصريح

وانا كمان محتار بين النار وبين الزمهرير

بس برايك رح تفوت وتشوف هالعقد الفصيح

يعني مفكر الفايت بالحيط او بالعامود نفس الشي ؟

ويلي ايدو بالنار مو متل يلي ايدو بالشات

وحتى لو كان صاحبك عسل سدو واستريح

وماضل ناقصني غير احشيلا الكوسا والبطيخ

برايك لو حشيتا هي رح تستريح ؟؟؟؟

لعبتها صح وركبتني متل الحمير

وانا مجنون وبقول رح تصفر وتصيح

ولسا more7777777

كل ما دق الكوز بالطنجره بطلعلي من الحيط وبقلي فيق

بس هي مو عرفانه ان عنا معالق وصحون

ويلي متلي مابخون

ضرب عشره ضرب سبعه ضرب مليون

كل السيارات بتودي عالطاحون

عم تقولو شو الفرق بين الخشب وبين الصابون ؟

الفرق

البرتقال اسمه بالانجليزي orange ومسمى على اللون البرتقالي

طيب ليه الليمون اسمه lemon ولا سموه yellow ?

وبعدين انتي تاعي لهون

لاخربوط و لاخربوطه

بحكيلك مره بالباطن بتحكيلي مره بالغوطه

وهي مفكره ماني كاشفها ؟؟؟؟؟؟؟؟؟؟؟

اي انتي لاتقولي لمين هالحكي ؟

الحكي الك مو لستك

لاتطلعي وتقولي

شو طرشانه ؟؟؟

مو شايفه الحكي بخصك ؟؟؟

وقفو هون ؟؟؟؟

دعايه وعلاااك

فاصل جزائي

لسا ما بلشنا

الحساب مطول و الخوف هلاااااك

شو رايك صبلك كاسة عيران ؟

مافشرتي

محسبه لهلئ نحن جيران ؟؟؟

بدي احرق قلبك واشعل النيران

بتقولي انا بحبك وبالاخير بتتخبي متل الفيران

ليش هيك عملتي فيني ؟؟

بدك ابوس رجلك وتحت باطك ؟

بس يظهر ماعندك سكر ؟؟؟؟؟؟

والله ما ضل غير اجي لبسك شحاطتك

هلئ اكيد الكل عم يقولو ليش حاطط حطاطي بحطاطك ؟؟

بس الخازوق بالضهر بوجع ماهيك ؟؟؟؟

وبلاها هي ليك وما ليك

وحاجه تتناوئي من الدرخوش

مو عاجبك كلامي ؟

ولا عم تحلمي تجي بنامي ؟.

ولا حابه غنيلك دخل عيونك حاكينا

لو عيونك ما جينا ؟

فوتينا لنص الحيط وبلغتي البلديه علينا ويلي ويلي ويلي

لك حلي عن سماي

وانا مفكرك منيحه وحاطك عالراس ؟؟؟

بس طب الجره عتما وتاعا لعنا


بس يلي فيه شوكه بضيع منه الملقط

مالبورو لوكي كينت وينستون اخضر برتقالي بنفسجي مابهم

كلو بنطبخ بالطناجر

مخلل خس بندوره جبس بطيخ مشمش عرموووووووووووووووط مابهم

كلو بنشرب وبحترق

كلو واحد

المهم الصبح ننطبز ونشتغل

لان مية الرديتير عم تشوب هي كمان

يالله جينز جينز بواط رياضه جينز

كعكه تلاته بعشره شم ولاتدوق

ويلي بقرب لهون بدي قص رجلو من راسو

فستاين سهره فساتين نوم فساتين عرايس ووووو ..................... عيب قولا ؟؟؟

مسجلات راديو تلفزيون

بصحتكون يا جماعه

بصحتك شريك

بصحة المنتدى

قربي ميلي هيك - ليش ناطط هالرمان اه ؟ يظهر مشوبه

الرجوع الى أعلى الصفحة اذهب الى الأسفل
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء نوفمبر 18, 2008 10:11 pm

أما آن لكِ أن تكفْيّ عن إغتصابي؟؟


وقهري والتلذذ بتعذيبي ؟!

إن جئتِ للحق قد كفرتُ بكل الألوان

وها أنا قابعٌ أحملق في الوجوه كلها

وأتسائل ولعلهُ من حقي أن أتسائل

هل هذه وجوهٌ من شمع

وجهي بالذات ...من سرق من وجهي الملامح

هل أنا حقاً عاقلٌ مجنون

لا شيء واضح سوى شيء واحد

وهوَ أنهُ فعلاً ومن قلبي من قلب قلبي

فليمحق الله كل لئيمة

يا ماكرة..يا ثعلبة في هيئة آدميّة

هل تظنين أن الله في عليائهِ يرضى أن تكسري قلبي

أتعلمين : راجعت حياتي كلها ..لأرى

هل مجيئكِ ثمنٌ لشيء لم أقترفه

فلتسمحي فأنا نفسي لا أعرف ماذا أثرثر

ومانفع الكلام ..وماهمني أنا نفسي من الكلام

تتضارب في البقية الباقية من عقلي

هواجس شتى...وأحارُ في نفسي

أكاد لا أصدق نفسي هذي الأمْارة بالسوء

كيف أكبح جنونها وأستئصل عهرها هيَ الأُخرى

باتت مثلكِ بكل تجرد وصراحة مثلكِ عاهرة

كل ما يقتل روحي بالمحصلة هوَ ضدْيّ

أسئل كل من هوَ ضالعٌ في اللغة

لماذا الفرق بين (العهر) والقهروالطُهر

فقط حرف واحد؟

ألهذا لابد لكل عاهرة أن تكون قاهرة

تقهر قلباً طاهراً..

هل ثمة رابط ؟أو علاقة

وهل من الضروري أن أكرر هذة الصفة الملازمة لكِ

والتي ورثتها أنتِ بكل عهر من أمكِ كيّ أبيّن

مدى /نجاسة/ إحترافكِ للقهر

ولكن يا لسخافة القدر؟

بلحظة اللحظة وساعة الساعة

قلبي الذي كسرتيه

مات لحظتها ولم يعد يشعر ولا يستشعر

ألا تعرفي أنه رُبَّ ضارةٍ نافعة

حينما مات : تبين أن الانسان

يحيا مندون قلب

وهذا اكتشاف طبي وعلمي جدير بالبحث والدراسة

ولعل جنوني هوَ نوع من المناعة أمارسهُ

بكل سخرية وسريّة

لا تشكو للناس جرحاً أنت صاحبهُ...

لا يُؤلم الجرحُ إلاّ من بهِ ألمُ


هنالك أشياء تؤكد أشياء

العمليات الصعبة بحاجة للتخدير كي لا يشعر بألمها من يسمونه مريض

وأنا وكأنما ملاكٌ ما ..أسبغ عليِّ ثوباً من ((الدَكَشْ))

لا برد ولا جوع ولا ثمة أثر واحد لابتذالكِ المُزمن

غريب بل من أغرب الغريب أن يكون هناك إمرأة عندها

طباع العقربة..وغدر الضباع

ومن الأغرب من ذلك كله أني أُكلف نفسي

عناء تذكر رائحة ذاكرتي المحترقة .

سيكتشف العالم يوماً ما أن أعظم شيء

هوَ خلق الله للعقل البشري..؟

هذا العقل الذي يستنزف كريات دمي الحمراء

ويلونها بلون النبيذ القاتم المُعتق ؟؟

ألهذا أنا دوماً في حالة لا وعيّ ؟

كلمة أخيرة ... تباً لكِ

أنتِ لستِ سوى فاصلة ،
& سبعة أرواح & - صفحة 3 3rbsc-0cc5d24212

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 02, 2008 1:06 am

كُلما رأيتكِ أُصابُ بالرعشة ؟

عفواً -عفواً بالدهشة؟!
كيف أنكِ تتلونين ..بسرعة البرق
تصيرين مُثقفة وصاحبة باعٍ طويل
ولكن باع في ماذا ؟؟
هنا مربط الفرس
لِعلمكِ :كونكِ تمتلكين نهدين اثنين
هذا لا يعني أن ترتدي وجهاً خاصاً لمقابلتي
أصلاً أنا لا أدقق في الوجوه
& سبعة أرواح & - صفحة 3 000202FD
هذي التي نرسمها ونتبارى في وجه ملامحها
((الخداعة))
لكم أتمنى لو يعود الزمان بضع سنين
ويا ليته يعود أكثر من بضع سنين
يعود ويعود لزمن لم أكون أنا فيه
كنتُ دوماً أسخر من الناس
هه وهل مايربطني ؟هوَ خاتم
واليوم ...أعترف بأنه فعلاً مايربطني خاتم
ما أكبر غبائي وما أصغر الخاتم
وهل أتحول أنا إلى مجرد إصبع /البنصر/
وأستدير وأتمحور
وأكون منهدلاً طوال الوقت ساهماً صامتاً
& سبعة أرواح & - صفحة 3 0002014F
أفتش عن خاتميّ تباً لكِ إن كنتِ قتلتيه هوَ الآخر
مثلما قتلتني
والآن أفكر !! هل عليَّ أن أستحي من قولي هذا
وهل حقاً تحول المفعول بهِ إلى عورة
لأنه من البديهي أن الفاعل نكرة
أتريدين الحق
أن ممتنٌ لمكتشف البخار
لأنه ساعدني جداً وجعلني خارج كل الحسابات
لما يغلي دمْيِّ في رأسيّ ..أنا لست مطالب من أحد
بأن أجعل شيئاً مني يتبخر
أنا حرٌ تماماً ؟
عندي فيزياء وكيمياء وجغرافية أيضاً؟؟
خاصين بي
& سبعة أرواح & - صفحة 3 000202F0
أشك بأنه بعد شهرين أو ثلاثة سوف يخرج
كل من يعرفني بمظاهرة
يطالبون فيها بسلخ جلدي
لماذا ؟؟ نعم أعلم ..هم يدْعوّن بأني بلا رحمة
وبلا عقل وبلا قلب وبلا إحساس
وبلا (بلا) حتى
أنا سر عذابهم الآني
من يسمع مايقولون يعتقد بأني تاجر حزنٍ
لا يهمني - فأنا أعتبر نفسي
منطقة حرّة - سوق سوداء مستقلة
أنا أتحكم وبفرح خفي برأسي
الذي بداخله كرة أرضية كاملة
ولا أسمح لكائنٍ من كان
أن يثقب طبقة الجنون الذي يلفّنيّ
& سبعة أرواح & - صفحة 3 00020285
وأنتِ يا شبه نفايات نووية
إلى متى تعششين في خاصرتي
إلى آخر العمر ؟!
ممممممم
لافرق فأنا أعيش بلا عمر
هل تلاحظين الفرق
تقريباً كلهم صادقون فأنا أعيش - بلا -
*******
يتبـــــــع ...
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة ديسمبر 05, 2008 1:38 pm


يا صمتي الذي بحجم كرة أرضيّة
متى تنفجر وتُريحنيّ وتستريح

متى ينطلق هدير غريب
ليُفجْر نواة القلب العالق
في حالة عطالة مزمنة
هل يثور الثور يوماً
وينطح الرحى التي أدمت
جبينه وقلبه
وهل ستفقد حالة اللاوعي وعيها
لأمارس اعتدالي
وهل تخرس الآآآآآآآآه
وأعتزل تساؤلي الذي لا ينتهي
ولا يكتفي ولا يستحي
الأجدر بي أن أنسى نفسي
(حتى إشعارٍ آخر)



الرجوع الى أعلى الصفحة اذهب الى الأسفل
https://syriatop.mam9.com
yMoN
مدير الموقع
مدير الموقع
yMoN


عدد الرسائل : 305
العمر : 39
تاريخ التسجيل : 10/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة ديسمبر 05, 2008 6:47 pm


الموت على قيد الحياة
لكنه متسول غريب في اصقاع الذاكرة
ادمنت عسل شفتيكي المعجون بالبراكين
وتصاعد الهواء العذب من فمك نحو العصر الكبريتي
لن يبقى شفاهي يتيما بعد اليوم
إنه عالق في اقصى فمك
حين طعمت روحي رحيق شفتيكي
عادت الحياة إلى قلبي
ونفض طير اعماقي غبار الموت على جناحيه
كم اتلذذ بأحتراقي على نهدك الثائر في وجه الملكوت
ارميني إلى غياهب بئرك يا اميرتي
والتقطيني
افتحي لشفاهي الأبواب
فبصدرك خبّأت السر الأول
وتحسسي كل مساماتي
كي استفتح ألواح حنيني
وألملم قنوات الضوء الى اعمدة الإثم الذهبي
فيحن الجذع الى اطرافك كالبهلول
يتلبس احداقي المسّ
الرجوع الى أعلى الصفحة اذهب الى الأسفل
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالأحد ديسمبر 07, 2008 5:15 am

بالأمس .. استيقظ شعورهم ؟

فجأة..ومندونما مُقدمات
قالوا سوف ؟ وأحسن؟ ولازم؟ وأكيد؟ وبكرة؟؟؟؟؟؟؟
هوووووووون مربط الفرس؟
بُكْرَة
بكرة اللي ماكان يجي ولا حتى ينتر
مع أني كل يوم الصبح عالريق
بكبسو لينتر ...قصدي بكبسو للأنتر
يعني بالعربي: للأكشن
وبعطيه كلمة تشجيعية
عطياااااااا
مشان يكون في إثارة
أنا روح قلبي الإثارة
خصوصي إزا على وشا كريمة
مممممممه ما أطيبا
ابْلش فيها من تحت
تحت تحت
وهيييييييك شوي شوي لفوق فوق فوق
فوق عالشفة ؟
على سيرة الشفة
حدى شفلي شي شفة هون ولا هون
مبارح ركزت عالشفة وطلع معي
الشفايف متل الدراهم
والدراهم كالمراهم
بتداوي ..ليش الكزب
الشفايف متل (المكواية) بتكوي القلب
بس مو القلب / المجعلك / لاء
القلب المكوي بالأصل
أو من الأساس
صرنا بعالم تاني نسينا مين أبو أمين
يلعن أخت الشفة
مع أنو مالا أخت
يلعن شيطان الشفة شو شيطانية
وبنفس الوقت دخيل الواااااااوا تبع الشفة
بس لهون وبس لأنو عيب قوول دخيل
الشفة تبع الواااااااوا
الواوا بما أنو أحمر
فطبيعي يكون خط أحمر
والكل ...الكل
صاروا يقولوا
واااااااو
وبينسوا الألف
وللحقيقة بيعملوا حالون نسيوها
بس هنن بيقولوها بقلبن
يعني
واااااااو
(وليِّ على قلبي)
& سبعة أرواح & - صفحة 3 3rbsc-96c5ca3f92
؟؟؟؟؟؟؟


عدل سابقا من قبل more7777777 في الأحد ديسمبر 07, 2008 6:46 am عدل 2 مرات
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالأحد ديسمبر 07, 2008 6:18 am

إلى
كُلْ من ذاق لوّعة الانتظاااااااار
وتماهى في عالمٍ من صُنعهِ هُوَ
& سبعة أرواح & - صفحة 3 3rbsc-e7760dd09f
إلى
كل قلبٍ آثَرأن يكون وحيداً(إلى ما شاء الله)
& سبعة أرواح & - صفحة 3 3rbsc-e7760dd09f
إلى
كل روحٍ هائمة تبحث عن إكسيّر الحياة
& سبعة أرواح & - صفحة 3 3rbsc-e7760dd09f
إلى
كَبديّ الذي (انتفخ) وصار بحجم السماء
& سبعة أرواح & - صفحة 3 3rbsc-e7760dd09f
إلى
كل من نسيَّ وجْهَهُ ..وتركهُ يُسافر
& سبعة أرواح & - صفحة 3 3rbsc-e7760dd09f
إلى
كل من عَشِقَ اللوّن الأحمر(لأنه أشرف الألوان)
& سبعة أرواح & - صفحة 3 3rbsc-e7760dd09f
إلى
من يمنحوّن روحيِّ دفئاً سرمديّ الملامح
((وهُمْ لا يعرفوّن))
كل عام وأنتم وأهليّكُم بخير
وضمير مرتاح - وروّح مُطْمئنة
آآآآآآآميّن
& سبعة أرواح & - صفحة 3 3rbsc-e7760dd09f
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالإثنين ديسمبر 08, 2008 10:17 am


دعيّنيّ أقترب أكثر ممّا ينبغيّ؟!
لأنصّت لصهيّلك المدفون بين
(القمريّن)؟؟
لا تتردديّ ..واطمئنيِّ
فأنا واثق ومؤمن
بأني إزا ما مِتّْ يوماً
فأنكِ حتماً من بين أصابعيّ
ستنبُتيّنْ!!
((هلا هلْوّستِ معيّ)) ؟!
تعالي..دعينا
نرتكب شيئاً
يَمْحُوّ الذاكرة
ويمحق الانتظار
؟؟؟؟؟؟؟
الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 09, 2008 2:42 am


لعليّ (عكس) السير دائماً؟!
فحكايتي تبدأ من جلدة الغلاف الأخيرة؟
زرعت بذرة عشقٍ خالص(فيكِ)
وكبر الحلم
وكبر قلبي
وازداد إيماني
ومثل صعقة البرق
مثل فجأة الفجأة
إقتلعتِ كبدي
وهربتِ
بلا عنوان
بلا رحمة
قتلتِ فيِّ الانسان
واغتلتِ الحلم
وتلذذتِ بتعذيّب عذابي؟!
أتراني لا زلت أحلم
أم أنيِّ لا زلت نائماً
أم لعليّ ميت
لم أزرع شيئاً منذ البداية
باقٍ كمومياء عتيقة
لا أجرؤ على مدْ أناملي
لإلامس عنوان حكايتي معكِ
يا مَحْضُّ شريرة.


الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 09, 2008 3:40 am


أنا نسيّتُ وجْهيِّ .......تركتهُ يُسافر
؟!
فمن رأى قمراً حزيناً
من رأى جرحاً عتيقاً
من شاهد منجم ملح
من يدلني على وجهيّ
أنتَ/أنتِ
أنا
أنتم
كُلنا
جف الجفاف وانقبرت المقابر
مات الموت
وانمحق المُسافر
بلا عنوان- بلا (بكرة)
بلا انتظار
بلا هُم يحزنون

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالجمعة ديسمبر 12, 2008 6:38 am


أتتخيّليّن معي مدى سخافة القدر؟!
فجأةً، من بعدما تناسيتُ من أنا
لفتنيّ أنيّ لا زلتُ حياً أُرزق
وقارنتُ بيني وبين نفسي
مدى الارتباط بين الحُلمْ والتمنيّ
ولم أجد ثمة فرقٍ يُذكر
كلاهما يجوزان في الماضي وفي المستقبل
لكم تمنيت لو أن الذي كان لم يكون
هنا الفرق الوحيد أنه هنالك دليلٌ ملموس
يُذكرني ليل نهار
بذوبان أصابعي عندما كنت أحترق من أجل عيناكِ
واليوم ...أحمل صليبي وأنتظر؟؟
آآآآآآآهٍ ما أمرّْ الانتظار
وما أظلمه؟
وما أغبى من اكتشف الانتظار
إنه الوضع الوسط
لا مع لا ضدْ
لا نعم لا لا
توازن ولا انتظام
تتهدم خلايايِّ وأدْعيّ بأني بألف خير
أرى بكل عينٍ على حدة ملامح سخرية
لا أُبالي.
وهل يتأثر الرماد بالنار؟!
أتوق لاغماضة ولو طرفة عين
لحلمٍ ورديّ ...أو موت أبديّ
للخروج من المنتصف من قلب القلب
للجهات الأربعة
لحلٍ سريع غير الوسط
لم أعد راغباً بأي شيء
فقط تحرريّ من النوم واقفاً
من البكاء بصمت
وياليتني كنت متشائماً
حتى أرى طريقاً مسدوداً
أو متفائلاً لأرى أفقاً أو حتى شيطاناً
لا فرق..؟
لكن مصيبتي أنيّ
أقف على وجه الماء
لا قدرة عندي على المشي
وقانون الجاذبية لا يجذبني نحو العمق
إن لم أنتهي قريباً
حتماً أنا هالك بلا شك
كان ينقصني هذا الحلم
حتى أكتوي بنار الـ لو ؟!
و الـ يا ليت؟!

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالأحد ديسمبر 14, 2008 1:36 pm


الآن ستأتي ستسلخ جلدي وتترك عندي ممكن ؟
يا كلمة الـ ممكن؟
شو بتتركي مليون سؤال
ليش ومين ولوين -ولا لوينك رايح
بدك اتضل عمتقرطش لأيمتى لحتى تتقرطش أنت
يا أكبر دب بالساحة وبالساحة التئينا
متل كرسي القش ستبقى مُحنطاً كما المومياء
-جسد بلا روح -
وجهك الممتقع سيصير حيطاً في يومٍ ما
ويا( ما )ستصيرين حيطاً أنتي أيضاً
وترتطمان بالحيط .شيخ الحيطان
مما سيؤدي إلى أن يفصلوا بيننا بحيط
يكون حيط بحق يعني جدير يكون حيط
اقتربت الساعة من الاستدارة فصارت حلقة
أدور وأدور حتى كأني صرت بلبل تبع الخمس وعشرين
كاليانصيب يصيبني نصيبي وأخبط بمية حيط
عن سبق اصرارٍ وترصد
يا لي من حشاش محترف =عتيييييييق
مئضي بس مو مصدي شي مرة بدي صير طابة
وأنتِ صدْي بركي بفوت فيكِ وبخلص
وبرتاح يا طابة عمري لا تنفْسِيِّ عَغفلة
خليكِ سبع جلود أصلية ئد ما شطتيني بضل بحبك
يا بطاقتي الحمراااااااء.


الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 16, 2008 2:51 pm


ممممممم
لوووووووول عَ طوووووووول
آتاري -كمان-ناي-دف-أُورغ
ئرّب وجرّب
يانصيب يا ليل يا عين
وأنا عمدوخ عمفكر بنفس الوئت
معئول هيك
هل من التفاهة أن أكون تافهاً؟!
بمقياس نفسي على الأقل
ولا لازم الواحد يصييف بعز دين الشتيِّ
ليحس أنو عميعمل شي
وهل هية شطارة أنو فكر أنو ماحدى هامْوّ ولا حدى عمبيفكر
بمابين السطور
وآخد راحتي عالـ 77
وأدعس الشي اللي بدي ادعسو
مشان يئقلع من أرضو
عالخامس سادس سابع
وأنفجر وينفجر كل شي معي
بلشت شك أنو عنجد أصل التبغ
اللي عمبتزهرمو عبارة عن حشيش
تعرض لاعادة تصنيع
متل كل شي
بيمرء وبمرّ بشوفو بمرارة
وبعمل حالي ماشفت شي
لأنو كل خلء ألله
بتتسابئ لتشوف
أنا بدي عجل شوي صغيرة
مشان ماشوف شي


الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 16, 2008 6:21 pm


تَنهْدَ الجَرحُ.......عانق السكيّن
أوَبعدَ كل جبال الملح
نتركهُ - وحيداً
واأسفي؟!
أنا لن أُودع جرحيِّ
تعايشتُ مع نزفيِّ
وهوَ تعايش معي
((صرنا واحداً))
ومن كثر عنادي
أفهم
وأتقصّدُ أن أبدو
بلا فهم!!!!!!!
مندون دموعٍ أبكي
مندون عيون
أرقبُ قدري
الأحمقُ الخُطى.

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالإثنين ديسمبر 22, 2008 10:24 am


كنا وما زلنا وسنبقى وسنستمر ونتغلغل
ندوخ من ذكر كلمة التحشيش ئدامنا
لا حدى يخاف ولا يرتعب وةلا ينئز
مافي حدى غيري هون بس أنا
برتاح وئت بحكي بصيغة الجماعة!!
مشان إزا ألله لا يئدْر
فتت بالحيط ما أنئفش لحالي
لازم حس أنو كلنا بالهوى سوى
سبحان ألله- سبحان ألله
أنا عندي روح الجماعة شغلة أساسية
وئفل مركزي وفتحة سئف
و abs وشاشة lcd
ومضمونة ومكفولة
7 شهور أو 7000 كم
أيهما أقرب
!!
أكيد الـ 7 شهور
ليش ؟!
لأنو الواحد بهالأيام اللي وصلنالا
المفروض ازا لئى ئرنة
يصف السيارة
يضحك بعبو
ويأجل كل شي مشاوير
وتخفيئ وكزدرة
حتى إشعارٍ آخر
بسبب أنهُ لا مكان
ولا زمان
ولا هم يحزنون
يعني اللي بيروح ما بيرجع
وازا رجع فما بيكون هوة زاتو
وانتقالاً إلى شقٍ آخر
من الاسترسال بالحديث
مدام الئصة قابلة للاسترسال
مدام انشراح
ببئى برجع
لأنو البعض من غير الحشاشين
بيملوّا من حتى الاضطلاع
على متوازي الأضلاع
فما بالي أو بالكم
بحكي
لااابيئدم ولاا بيأخر
هوة
عبارة عن
تح-شي-أششششششش


الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالثلاثاء ديسمبر 23, 2008 5:52 pm


فلتسامحينيّ!
فأنا لن أرصف كلامي وأُنمقهُ على القافية؟
لعدة أسباب... تسائلت ؟!
من أنا
ماذا أفعل هنا
من أنتِ
من أنتم كلكم
هل أنا مجرد هائم
ذئبٌ كفر بالقطيع وأختار القطيعة
لفتني ما فجرتِ من كلمات؟؟
((( أتريد من الغير فهمنا!!؟؟)))
توقف الزمان والمكان
وسئلت نفسي: هل أنا أفهم نفسي؟!
في لحظة ؟ أقول تباً وما الفرق
ليس ثمة فرق؟!
إن أنا فهمت أم لم أفهم نفسي
نفسي ستبقى نفسي
ألهذه الدرجة أنا محبط
لا أعلم حقاً من وماذا أنا
لكن لو كنت غير أنا وشاهدت نفسي
لقلت يا حسرتي على الانسان
ما أكفره وما أشقاه وما أتعسه
نسمع موسيقا ونرتاد منتديات
ونتكلم بصفتنا عاقلين
وبعضنا ينهش بعضنا
وشخصياً أنا
بعضي يمزق بعضي
هذا شكل من الانتحار
من الانسحاب
من الانفجار
من البكاء مندون دموع
سحقاً ما أصعبه من بكاء
لربما أشعر باللاشعور فجأة
ويحصل أن أمتنع عن هلوستي هنا
عن ذكرياتي الشبه يومية
وبالأحرى
اعترافاتي المزاجية
مزاجي هذا الذي يتغير في كل ثانية
قد يتمرد كبقية تفاصيل حياتي المميتة
ربما تصير صفحاتي هذي عالمي
وربما أنفجر في أي ثانية
عموماً .......إن ذهبتُ أنا أو بقيت
فلتعلمي بأنكِ أثرتِ
عندي الاهتمام مرات
واللامبالاة مرات
أترين مصيبتي؟!
أنا دوماً في المنتصف
إلى متى ؟!
هاأنا قابع كمومياء
كجدار
آكل وأشرب وأتنفس
انتظار...؟
إلى متى ؟؟
ألله أعلم .

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالخميس ديسمبر 25, 2008 11:15 am


بكل تجرّدْ وانسيابيّة
عمفوت على صفحة واطلع من صفحة
مو صفحة نت يا بعد بعدي
لأ
صفحة حياتي يوم بيوم وساعة بساعة
بئديش الكيلو ؟؟والله مابعرف
بس بعرف عمبدفع التمن متل ما ألله خلئنيّّ
والعلة منوين عمبدفع كمان مابعرف ؟؟
بس بعرف أنو كلْ شيّ رايح من كيّسيّ
وكلما أحكي لواحد أوعى دير بالك تعمل هيك
مشان مايصيير معك هيك!
بيئليّ هيهيي علينا
روح نصاح حالك ئبل
ماتنصحني
اشمعنى أنتة معلش وأنا هئة
هه شوفوا (المئمْعّ) فوء ما عمبنصحو
لك العيّن الطرااااااائة تطرء السطل اللي
ماكان يتعبى
كل الحئ عالمخرج ؟ تركيبة مركبة هالحالة
متل مائال المستشعر
عمرك ماتئولش صاحب واسكت لو سمحت
يلعمى ازا صاحب مافي لكن مين في
صاحبة!؟
شو هالسحبة ؟؟
شو هالنطة ؟؟
شو هالحركات
شو دين هالتحشيش
دخيل رب اللي ببالي؟؟
لأنو تذكرت شغلة قريتها من زمان
أيام الشوكلاتة ؟؟
((دع السكران يذهب وحدهُ....... ليسقط وحدهُ.))
وهاد اللي صار أنا مادفشت حدى
كل اللي تفركشوا ؟؟
مابعرفن؟؟مابيعرفوني؟؟
أنا عليِّ من التلفزيون /أشكال -ألوان/
أف أوف وليِّ
يمكن لازم فرمت راسي كلو
عمبيعلئ على شغلة مرئت من فترة
خلص تنْحتْ هالصفحة
منبئى ..أو ببئى برجع
يبئالنا وجودكن !
خاطركن..ناطركن
لاتجوّا حاولوا اتطولوا
ئدْ مافيكن بدي نزّل مُضاد تركيز
حتى معد فكر إلاّ باللي بدي فكر فيه.
ياي...بايّ .



الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالإثنين ديسمبر 29, 2008 4:37 am


اليوم استثنائياً بدي ((دوّبلْ))
بدي عيار تئيل من نوع

((عبيّ الطاسة وأنت عمتضحك وتلعب))

سئلت حالي !! بما أنو مافي غيرنا أنا وياه لحالي

حبيب ..معلم ...أبو الشباب؟؟

ماحدى لحدى؟!

حتى حالو للواحد صفيان لحالو

يلعمى ملاّ حال

طيب حاكينا وخود شو مابدك ..بس ولو كلمة ؟؟

طيب اتطلع فيني عالئليلة؟!

دار وشوّ حالي لعندي وحكى؟

ويا ريتوّ ما حكى ?

بعد ما صفن شوي وتعصْوّرْ وحط العئدة ماغيرا

ئال بكل وقاحة؟!!

شو أنتو إيمتى رح تستحوا على حالكن آآ

ئلتلو مين عمتحاكي

شبك أبو شريك=حالي

مو على بعضك شو في مافي!!

وإز أتاري عنجد طلع حالي مو على بعضو

احْمرّ واخْضرّ واصفرّ وتلوّن بالألوان السبعة

ئال وبكل سخرية ..انتبه!!

وكل واحد يديّرْ بالو على حالو

من يوم ورايح كل واحد مسؤول عن حالو وبس

جديّ عميّ أبن ئطة ستيّ مافيّ

أنتو البشر كلكون كزابين وفايتين بالحيط

الأنا // عندكن عالية وغالية وسبحانو ألله بتحبوا تتدخلوا بشغلات مالكن فيا

لا أبيض ولا أحمر حتى؟

وطلعتولي كمان بشغلة جديدة / كل مين إيدوّ إلوّ/

لك شو خليتو للدبب ؟؟ والأحلى من هيك وئت واحد بدو يمزح مع واحد

بيئلو ّ يا دبْ

الخلاصة :بلا كتر حكي هلئ

من يوم ورايح كل واحد بيدير بالو على شو مابدو

المهم يترك حالو بحالو

وحالو بألف خير

ويا ريت هلء تتركني بحالي.. والتهيّ بالنت تبعك

خليّ ينفعك بالآخير

هلء عوّوّوّد ليفرجا ألله ومابتلائي غير الصبح

طلع لحالو .

بس مو الصبح اللي بتعرفو ؟!

صبح جاية هوة لحال؟! وحالو لحالو

(فهمت لحالك على حالك يا بعدي)
*******

الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالإثنين ديسمبر 29, 2008 5:11 am


رح ينئطع الأمل البائي بهاليومين

شي عجيب كيف ماشي مخشخش مندون خشخاشة
ولشو أهبل ولشو غاشي
عمتتمتع وتستمتع
بهبلك المو طبيعي
ريتك ماتبلى ولا اتخ
لو أنك بنت وحدى طلب ئيدك وسكتت
منئول السكوت علامة الرضا
بس عيب أنت شب
وفحل كمان مو حيلا
بتبئى جامد متل الموميا
شو ناطر... لوين الدرب مودينا
لوين يعني ؟؟
ماحدى آخد معو شي
شوي شوي
رح تصير بلا مخ
شو آخرتا هالحالة؟ استحالة
عنجد مو طبيعي
مصييف بعز دين الشتي
بايعا وصارف حئا
وبتضل عطول لا بتنحلب ولا بتنجلب
لا بتهش ولا بتنش
فاتح تمك وراخي العدة كلا
فرحان بحالك
مهضوم ...يعليك شو مهضوم
انت اللي منوين مارنيتو بيرن
لك حتى بالهبل
بتوزع هبل على 500 نسمة
وحدك أنت وهالكاس
غييير شراب زنجبيل بركي
بيتحرك ماغيرو
وبتركض وراه
متل رجل الاطفاء
حاملو وراكض
والله انك بتطلع شي نص (وليّ)
من أولياء الصالحين
في حدى شافك وما نطئ الشهادة
في حدى ماخليتو يوحد ربو غصبن عن ....
تلحلح ..زمجر..انهئلك شوي
ليش المعتر بكل الأرض دايماً هوة زاتو
مابتتغير ولا بتخلي تغيير ربك ينزل
لا للخلف لا للامام
لا للحرب لا للسلام
لا للانتحار لا للانفجار
لا للا
لا لا لا لا لا لالا
وشوي تانية
بتصير اللا بدل المرحبا
ولك شو دينك انت
ساعة بتخفف ساعة بتئوي
ساعة بتسكت ساعة بتعوي
شو رأيك تتحول لحيط
بس على شرط مارح نفتح فيك شباك
حتى لايمرء لا ضو ولا هوى
بتفهم بكل شي الا بالفهم
فخار ..دء....ءء؟!
به!! اف...بست؟؟
بعتقد أنك انسان
ممممممم
غالأغلب انسان
يمكن انسان
وبعتقد انك ميت
أكيد ميت
والله ميت
شو عرفك انت بالموت
الموت مو تنفس وتدخين
وفلسفة مابتوديك لمحل
الموت لما تصير بلا روح
من جوى جوى ميت
انت من ئبل ما تولد ميت
من ئبل ماتنجح فاشل
من ئبل ماتحكي ساكت
وكأنو الصمت والسكوت دين جديد
وأنت أول وآخر نبي
وانت المؤمن وانت انت من يوم اللي كنت
عنجد وحياة الله
شي عجيب كيف ماشي مخشخش مندون خشخاشة


الرجوع الى أعلى الصفحة اذهب الى الأسفل
https://syriatop.mam9.com
more7777777
مدير المشرفين
مدير المشرفين
more7777777


ذكر
عدد الرسائل : 531
العمر : 92
العمل/الترفيه : التعمق بالعمق
المزاج : التفكير بالتفكير
تاريخ التسجيل : 13/09/2008

& سبعة أرواح & - صفحة 3 Empty
مُساهمةموضوع: رد: & سبعة أرواح &   & سبعة أرواح & - صفحة 3 I_icon_minitimeالسبت يناير 03, 2009 8:20 pm


وحياة حياة مو نائص غير فوت لهون وترغل على كيف المكيفين

بيسئلوني ...ممممممم ؟

شو دخلني أنا ؟! إزا بعمري ماشفتو ؟

منوين طلع وإيمتى صار جار

بعلمي هزاز هوة شو جاب لجاب

هلئ الزمن صار زلمة وصار عندو بيت وكعكتين بخيط وخلف وصار يسأل

بئديش السبانغ ؟!

وآخرتا سكن وصار الزمن جاري؟!

لك يئطع عمرن كلن كلن كلن ؟؟انشاالله آلهي بيصير الزمن جارن ألن

وبيئولولك هه الزمن جار عليه

بتعرف شو يعني عليه

عليه يعني عليه أي على المفعول بهِ المرفوع وضميره أنا

بينما لازم تكون أنت أو هوة

مابتفرء المهم أنا ما دخنّيّ

هي الما دخنّيّ تعلمتا ئبل الأكل

أنت بس ئول ما دخنّيّ وشوف الصفة شلون بتلف وبتلف وبتدور وآخر الشي

بتلزء فيك كَ كشكول المنجعي على نبرة

خصوصي ازا فوئا همزة والهمزة هامزة وكالة ومكفولة

وعليها عرض وطول وبالورب كمان

انت خليك وائف شفلي الصطوبات شغالين احسن ما أرجع أرجع أرجع

هييييييييييييييييييييك إلى المالانهاية بعمرك شفت حدى بيرجع إلى ال لانهاية

لكن منوين بلش؟! إزا الخزان طف بكون أنا بدي فواشة

شو دخل حياتي الواقعية بالواقع

والله مندون فئسة فائس حاسس بمعنى الجزرة معنوياً
؟!

شو ذنبي أنا إزا البرداية بتهوي ومنوين لوين

لأدفع أنا ؟؟أنا لا شفت ولا حدى شافني

الاّ حالي فتركو المحشش يكزدر وحدهُ

لا حدى ينكشو ضل يمشي الحيط الحيط

هيييييييييييك لحتى تحول بين ليلة وضواحيها الى ضاحية

مستقلة ومنظمة

بس نائصو حرارة ليحكي لأنو كل هالحكي ولسة ما فتح البخاخات

لأنو هوة دفع رباعي وفتحة السئف عندو اطلالة غير شكل بيشوف بالألوان

تئول فتحة ولئت غطاها هوة بيفتح وهية بتتلون

عنجد عنجد وحياة الشمعة اللي هية مضواية

شي عجيب كيف ماشي .......مخشخش مندون شو ؟!

مندووووووون خشخاشة

والخشخاشة مستنبطة من الخشخاش بس على ئد مو مشلبنة بحب دلعها

لك يئبرني اللي خلئا خصوصي ازا كانت تازة وعلى شوكلاته

بحس أنا الشاعل وهية عمتشرئط ومن غير شي هوة ئدامو مابيشوف

فحصتو أنا ئلتلو حبيب الئلب : أنتة بصراحة مافيك شي بتشوف

من جهة العمى في عمى بس اعمى مو بعيونك ؟!

العمى بئلبك من غير شر وبلا صغرة

مشان الله اللي عندو مزهرية لا يتعطل لسة الورد زرار زرار

ومطولين ليفتحوا هوة النرجس بيحب السئعة تكون متل الحمى بالبرد

على ئد مو شرشبيلية النظرات بتسنفر أتخن زلمة من خاصرته تحديداً

حزن الحزين على حالو فأصيب بالتعصيب

وتقوقع وأشرئب وتشرئب وهدد نفسه على ئد مو نفسو أمارة بالسوء

يخرب زوئو شو بلا زوء

لسة ما كمشا وحط شفايفو عليها فئست ؟؟

يلعمى حتى المتة صايرة متل الفتة إزا مو السمنة حامية بينشف اللبن

وبيحمض المصور الفلم فبيطلع خالي من المشاعر وبلا فؤاد من أصلو

يلعمى بعيون العواينة كلون

انشاالله بيفئسوا هنن فئسة من جوى وبيكنتكوا وبينبلوا وبيصيروا كلون خطن حلو

وبيدبئوا من كتر الحلاوة

وبتئز نفسون من حالون وبينخرب بيتن من حالن وبيتحللوا وبتفئس عاليا واطيا

وبطلع أنا من الكادر رايئ رايئ لدرجة أتعكر على ئد مو صافي الذهن والذهنية

وكل خير وانتوا على جنبكن

وأنا
من أو قد/ أو/ لا قد و لا من

أنا حتماً بيطلعلي جائزة نوبل بالتحشيش

ومستعد خلي سمكات البحر يعششوا عندي على حبال الغسيل

هي تحشيشة ماخليت طاسة بالبيت ماعبيتا حتى طاسة الرعبة ارتعبيت

وئالت يلعمى شبو هاد عنجد رعبني ؟!

يعلى ئطاطو شو برغم براغمتيتو ازا صح التعبير

فقد برهن أنهُ لا يتأثر بولا ئهرمة على وش الأرض.

يبئالنا وجودكن .لا حدى يتذمر لأنو ما حدى ضربو على ئيدو؟!

أنا جاهز؟؟

في شي حدى تفصيل ؟؟

سؤال برسم
التسليم ومُرخص قد يصلح كعيادة أو مكتب محامي أخو أختو.
الرجوع الى أعلى الصفحة اذهب الى الأسفل
https://syriatop.mam9.com
 
& سبعة أرواح &
الرجوع الى أعلى الصفحة 
صفحة 3 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات همسة ملاك :: (¯`·._) ( المملكة الرئيسية) (¯`·._) :: •ღ قصر المواضيع العامه والمتنوعه ღ•-
انتقل الى: