موضوع الساعة وكل ساعة؟

السلام عليكم ورحمة الله وبركاته

أخوتي الكرام هنالك تساؤل ما زال يُحيرني بشدّة ؟

وقد تسائلت مراراً وتكراراً هل هوَ منطقي أم محض كلام؟

ألا وهوَ كيف كان الشرق هو مهد الحضارات ومنبع الحكمة

تعلمنا في المدارس وسمعنا وللآن نسمع
بأن أوربا والغرب قد أخذوا أُسسْ وقواعد العلوم من عالمنا
ومن علمائنا وطوروها
وباتوا هُم في يومنا هذا من إستلم دفة قيادة العالم

ماهوَ رأيكم ؟؟
هل معي حق أن أتسائل وأُبحر في الشك .

وللحديث بقية Exclamation

يازلمة عيش حياتك وبس بلا غرب بلا هم

قال الغرب قال

مرحبا للغرب ومرحبا للعرب كلو اضرب من بعض

يعني شو رأيك محمد؟

بشو بدو يفكر الواحد ؟

إزا هيك شغلة مصيرية:suspect: وهامة مافكر وحلل

شلون يعني كلو أضرب من بعضو

يعني نغسل أيدنا من هلئ وما نفكر ولا نعذب حالنا scratch

الحياة كلها صراع يا نضال .. حوت بياكل حوت

و كل حدى بيعيش عصره و زمانه

نحنا كنا بالماضي و برأيي رح نضل متعلقين بحدود الماضي اذا بقي الحال على ما هو عليه

و هنن ليوم و بكرى و يمكن لآخر المطاف

..
.
.

بس برجع و تذكر الله سبحانه لما قال

( كنتم خير أمة أخرجت للناس )

و كلمة كنتم تعني الديمومة و الاستمرارية في القرآن

..
.
.

لذلك صبرا

هنا نحن أمس

هنا اليوم نحن

وكل الدروب إلى غدنا سالكه

وكل الذين مضوا .. عائدون

-----------------------------------------------------------

CLANDO كتب:: الحياة كلها صراع يا نضال .. حوت بياكل حوت
و كل حدى بيعيش عصره و زمانه
أهلا وسهلا فيك مهند بالبداية .

بعتقد مبدئياً الحياة مو هيك ...بس بحكم الصراعات المتواترة
على التسلط والحكم والثروة والنفوذ تحولت إلى مايشبه يومنا هذا؟
نحنا كنا بالماضي و برأيي رح نضل متعلقين بحدود الماضي اذا بقي الحال على ما هو عليه
و هنن ليوم و بكرى و يمكن لآخر المطاف
أنا قد أبدو مُتشائم إلاّ إني بأيّدك 100%
يمكن ماحدى بينكر ؟؟
هالأُمة لازالت تُنجب العظماءولكنهم يهربون بعلومهم إلى حيث العلم لهُ ثمن.
....
بس برجع و تذكر الله سبحانه لما قال
( كنتم خير أمة أخرجت للناس )
لاآله إلاّ الله محمد رسول الله
و كلمة كنتم تعني الديمومة و الاستمرارية في القرآن
....
لذلك صبرا
هنا نحن أمس
هنا اليوم نحن
وكل الدروب إلى غدنا سالكه
وكل الذين مضوا .. عائدون
والله يا مهند كل العلوم والنظريات والأبحاث بتأكد أنه
لايعود الشيء على ماهوَ عليه
مهما تكالبت الجهود؟
----------------------------------

بس مع ذلك الله أعلم

مافي شي بيدوم
((ستبقى هذه الحياة متعانقة بتضاداتها))
وسائرة نحو المجهول؟!

تحياتي إلك ويا مرحبا ً بكَ
مُحاوراً ومُناوراً جيداً ؟
Shocked

شكراً الك خي نضال على هادا الموضوع الحلو والهادف

بس خليني علّق بالاول على محمد ( فتى الشام )

يا محمد اذا ما احنا العرب اهتمينا بالموضوع وبالاخص احنا معشر الشباب مين بتعتقد يلي رح يفكروا

بعدين دخلك اذا احنا ما فكرنا بالعرب وبحياتنا وبهمومنا وبعلومنا وثرواتنا وافكارنا ودافعنا عنها وطورناها مين برأيك رح يفكر فيها جورج دبليو بوش ولا الخنزيرة سكرتيرتو كندرا رايس ولا موفاز ولا شارون ولا مين ولا مين ولا مين

فكرنا آن الآوان انو ينضج ونشغل فكرنا ونوجهه نحو الصواب وبلا جلسات فاضية ما رح يجينا من وراها غير الاثام وبس

هلق الكلام موجه لنضال وللكل

احنا الماضي واحنا الحاضر واحنا المستقبل

اجدادنا بالماضي جدوا واجتهدوا وتعبوا لغاية ما وصلنا لاعظم حضارة بالتاريخ والتاريخ بيشهد بهالكلام بس كانوا بنفس الوقت متمسكين بدينهم وبإسلامهم

يلي احنا فيه هو بعدنا عن الدين الاسلامي والشريعة الاسلامية ولما رضينا بشريعة غيرشريعة الله سبحانه وتعالى اذلنا الله

كل يلي عم بيصير هو احنا سببه

اي نعم احنا سببه

مين يلي زعم امريكا علينا ... رح تقلولي لانها قوة عظمى ... طيب شو يلي خلاها تكون قوة عظمى

شغلتين اساسيتين خلت امريكا تكون قوة عظمى

اول شغلة انها شغلت عقلها ومخها بشي ينفعها ويطورها تكنولوجيا لغاية ما انتجت شباب امريكا كيف عم يتربوا بالمدارس

المدارس الجامعية شو عم تعمل حدا بيقدر يقلي كيف طريقة ترباية المدرسين لطلابهم على شو عم يربوهم

المدارس الامريكية بتنزل طلابها من صغرهم يشتغلو وبيعطوهم علامات على شغلهم بهيك بيكونوا عم يربوهم على الاعتماد على حالهن وبنفس الوقت عم يدرسوهن ... بالمدارس الامريكية ما في شي اسمو غش ... بينما عنا غش تنجح ... ادرس ترسب

في المدارس الامريكية عم يعلموهم على عدم الكذب بينما نحنا عم نعلم اولادنا على الغش والخداع لان ابنك على ما ربيته

وبهيك مدارس امريكا بتخرج علماء واحنا منخرج مخادعين وغشاشين

شفتوا كيف الفرق

..............................................................................

تانياً : ضعفنا هو يلي خلي امريكا تكون قوة عظمى علينا لما شافونا ضعاف تفرعنوا علينا

تماماً متل ما بيقول المتل ... قال يا فرعون مين فرعنك قال فرعون انا فرعنت حالي ما لقيت حدا يردني

................................................................................

معناتا احنا محتاجين اعادة تأسيس من اول وجديد

لان البنية التحتية لالنا او الاساس مو موجود نهائياً وما فينا نبني شي على ارض من غير اساس

والاساس هون هو الشريعة الاسلامية والتقرب من الله سبحانه وتعالى لان هادا هو اساسنا الاساسي

وبعدها منبدا بالتطوير

وللحديث بقية

تحياتي

والله يا أحمد أنا بأيدك بأغلب كلامك

بس رأيي الشخصي أو اللي بتوقعو أنو الحديث يطول وسيطول

مبدئياً يمكن تخلي العرب عن الشريعة والأخلاق الإسلامية هوَ سبب تخلفهن
وتراجعهن آلالاف السنين .
منلاحظ ببلاد الغرب أنو كل شي موّزع
على الغالب منقدر نعتبر التكافل الإجتماعي موجود لربما على أصولو
ومبدئياً بحب وبتمنى من الكل يعرفوا يفرقوا بين الشعوب كافة
والحكومات كافة؟؟؟؟؟؟؟
إن كان الأميركان ولا جميع الجنسيات ؟كلهم كلهم
في بينهم أصول عربية وألهن ثقافة وتقاليد وو و و و
بس متل ما بيقولو ((....أبوكِ يالسياسة )
المهم : بتصور من أُولى أسباب إنكسار المعنويات هو الجري وراء لقمة العيش
وقد يعتقد البعض أني عمناقش من منطلق شخصي ؟؟
بالعكس تمام عمنتناقش من منظور عام.
بس ربنا عز وجل يقول : المال والبنون زينة الحياة الدنيا
فإذاً المال هوَ عصب الحياة ؟؟؟مابعرف إزا حدى ضد هالقاعدة؟
فلما البني آدم راح يكون مرتاح مادياً رح تتحسن حياتو طرداً
شخصياً بعرف ناس ما كملوا دراسات عُليا لأسباب بتتعلق بالمصاريف الباهظة .
فالحل برأيّ وأول حل بيكون بدفع الزكاة
وإقامة حدود الله في الأرض-- بس اللي صاير شي بيخجل
في شغلات منتشرة على مستوى الوطن العربي
بيستحي الواحد يذكرها بس هيَ المُؤدية إلى الفراغ
والمسكنات والمخدرات وانحدار مستوى القيم والأخلاق
إنما الأمم الأخلاق مابقيت /فإن هم أخلاقهم ذهبت ؟ذهبوا
تحياتي لأحمد الشب الجدع اللي بيميزو أخلاقه وطيب أصلو
وان شاء الله للحديث أكثر من بقية .

تمام كتير كتير

معناتا عرفنا أول شغلة

بالفعل يا نضال يلي عم بيصير انو الشعوب العربية اغلبها فقيرة وهادا يلي عم يخليا تسكت

وهادا هو يلي بدن اياه اعدائنا انو نسكت ....

والزكاة يا نضال صدقاً ما عم يوصل للناس يلي بتستحقوا ويلي هي الواجبة الها الزكاة وانما عم يروح سدا

لان لو بتلاحظ انو ايام عمر بن الخطاب رضي الله عنه لمن كان عم يوزع الزكاة كان يضل منها زيادة عن حاجة الناس لهي الزكاة بينما هلق اذا كان في ناس عم يدفعوا الزكاة فزكاتهن ما عم توصل للناس المفروض انها توصل الهن

هي اول نقطة

ليك نضولة الكلام الك وللكل

جماعة الخير خلو الحكومات العربية على جنب وخلونا احنا على جنب

انو نتصدق ونعطف على الفقير ونساعد الناس هادا مارح يضر الدول او الحكومات بشي والحكومات مارح تعترض على هادا الحكي

معناتا احنا بيطلع بايدنا نعمل اشياء كتير منيحة تنغير واقعنا المرير

ولا تنسوا متل ما حكى نضال الشعوب العربية شعوب مهتمة فقط لا غير بالاكل والشرب لان صار الاكل والشرب بهي الايام غاية المواطن العربي حتى احيانا في ناس ما عم تحصلها للقمة العيش هي

هلق اول خطوة ايجابية لازم نعملا هو انو ندور على حل يقضي على الفقر في الوطن العربي هادا رأي مبدأياً

وللحديث بقية وبقية وبقية ان شاء الله وان كنا على قيد الحياة

تحياتي

اللاذقية85 ( عِـــقـــ الـــعـــرب ـــاب )

والله يا شباب ما رح طول كتير بالحكي لحتى ما نوقع في التكرار و طولة الحكي

أول شيئ بدي عقب على نضال بآخر كلامي بالرد الاول

لما قلت و كل الذين مضوا عائدون و انت يا نضال رديت و قلت لا يعود الشيئ على ما هو عليه مهما تكالبت الجهود

يا نضالو انت فهمت المعنى غلط انا ما عنيت الماضي .. انا عنيت رموز الماضي

يعني رح يجي وقت يكون رموز جديدة تعمر و تصلح و تبني متل ما عملو السابقين

رح اختصر عليك و قلك دوام الحال من المحال
و ما في شيئ بيضل على حاله .. العالم هاد مبني على التغيير سواء للاصلح او للاسوأ

و الغرب ما رح يضل متفوق

و ياما من امبراطوريات و حضارات دامت كتير بس بالاخير انهارت و حلت محلها حضارات تانية .. و المستقبل كفيل بذلك

طبعا

طالما في مين لسى عم يفكر بحال هالأمة المتدهور

ثلاث نقاط ... إلى ان يأتي ما يخالف ذلك سواء فيما يخص النقاش أو فيما يخص تغيير الواقع

لاتعليق

مابعرف شو بدي قول

بس انا بأيد كلام الاستاذ

CLANDO

بما إنو الطاسة ضايعة عندي ليوم
قلت يلا يا مهند ليش ما بدك طول بالحكي بهاد الموضوع و تختصر الطريق .. و لاتقصر على غيرك الفائدة بقدر ما تعرف
مشان هيك رح بلش من الأول بموضوع الشاغل ألا و هو ليش تقدم الغرب في حين تخلف العرب
ليش يا ترى
نزلو لتحت و خلونا نعرض الأسباب و نتائجها و رح اترك التعليق لكم لأنو انا رايق و مالي مزاج اتمسخر على وضعنا المزري بالبلدان العربية

يلا خلونا نبلش

لماذا تقم الغرب و تخلف المسلمون ؟ سؤال بيخطر على بال أي شخص و خاصة العربي
و السؤال الأهم يلي بيزيد الطين بلة هو لماذا تخلفنا نحن المسلمون و نحن على دين الحق في حين تقدم غيرنا من العرب و هم في ضلالة و يدينون يغير حق أو لا يدينون بشيئ اساسا ؟
و انا بقول لكم إنو الإسلام مو بس عبادات و لكن سلوك و منهج حياة ايضا
الله سبحانه و تعالى بنى لنا سننا و قوانين لتقدم المجتمعات تماما كالقوانين الطبيعية لا تتبدل و لا تتغير و لا تحابي احدا و لا تجامله من اخذ بها عزّ و من تركها ذلّ
و هذه القوانين كثيرة لا يسمح المقام بحصرها و لكن سأختار ما اضنه ابرزها عسى ان تدركوا معي صلب الموضوع الذي هو مطروح بين ايدينا
سناخذ مثال الصدق في القول والوفاء بالوعد كأخلاق إسلامية و قارنوا بين شيراك وزعماء عرب آخرين الأول وعد شعبه بأنه لن يعيد ترشيح نفسه وفعل وآخرين قالوا مثل ما قال شيراك ولكنهم لم يفعلوا ولم يصدقوا .. أي السلوكين ينسجم مع أخلاق الإسلام ؟ و مثل ذلك عن شهادة الزور هل سمعتم لغطا حول نتيجة الإنتخابات الفرنسية أوإتهامات بالتزوير الذى أصبح سمة عامة لكل إنتخاباتنا نحن العرب ؟ من الأقرب لقيم الإسلام نحن أم هم ؟
كذلك بالنسبة للعدل أساس الملك الرشيد وحصنه المنيع وقرآننا نصوصه صريحة في الأمر به وأنتم تحفظون منه " ولا يجرمنكم شنئان قوم على ألا تعدلوا " أى أن الحكم بين الناس يجب أن يكون مبرأ من الهوى الشخصى ، وقديما قال عمر بن الخطاب رضى الله عنه -- وهو الخليفة -- قال لرجل إنى لاأحبك قال الرجل وهل يمنعنى ذلك حقا لى قال عمر لا قال الرجل إنما يأسى على الحب النساء
ما نراه من إستخدام القانون كأداة لتصفية الخصوم والزج بهم فى السجون وأحيانا مصادرة أموال وأرزاق فريق منهم لمجرد المخالفة في التوجه السياسى هل له علاقة بالعدل ؟ و حين نجد العدالة كسيحة وهى تلاحق من تسبب في إزهاق أرواح أكثر من ألف نفس و في نفس الوقت تركب صاروخا لمعاقبة " مجرد التفوه باللفظ إن ثبت " بثلاث سنوات سجن دفعة واحدة هل هذا له علاقة بالميزان المعلق خلف المنصات أما هؤلاء الذين نتحدث عن تقدمهم فلا فرق بين حاكم ومحكوم أمام سلطان القانون
لعلكم لم تسمعوا عن " ووترجيت "
فى السبعينيات تجسس الرئيس الأمريكى الأسبق نيكسون على معارضيه في الحزب الديمقراطى وكانت فضيحة مدوية خرج على أثرها الرجل من منصبه قبل أن يتم مدته قارنوا هذا بما يحدث عندنا رجل أمن كبير جدا إعترف بالتجسس على المعارضين وقال بجرأة لا يحسد عليها " اللى خايف ما يتكلمش " وهو ما تم دسترته وتقنينه في الفتوحات الدستورية في عصرالست زهية !!. من أقرب لتعاليم الإسلام في ما قصصته عليكم نحن أم هم؟
و لكن قد تسألونني .. ألا ترى أننا مسئولون --- كشعوب -- عن كثير مما نحن فيه ؟
أوافقك تماما فنحن ننظر للشأن السياسى على أنه ترف وهو ليس كذلك والدستور القرآنى يقرر في وضوح تعدى آثار الظلم إلى غيرالظالمين قال تعالى " وإتقوا فتنة لا تصيبن الذين ظلموا منكم خاصة "
اذن لماذا يتحمل الافراد العاديون فاتورة اخطاء غيرهم الفاسدة ؟
لأنهم يجب ألا يسكتوا عمن ظلمهم ويهموا بدفعهم و يهبوا الوقوف في وجههم فهم قوة لا يستهان بها عند تجمعهم " ولولا دفع الله الناس بعضهم ببعض لفسدت الأرض " سنة التدافع التى تحفظ توازن المجتمعات الدفع الذى تتعدد وسائله وقد يكون أقلها النصيحة بالكلمة المكتوبة في كتاب أو صحيفة أو الكلمة المنطوقة في خطبة أو مؤتمر وقد تنتقل إلى التظاهر أو الإعتصام أو الإضراب وقد يكون أعلاها بالأخذ على يد الظالم ومنعه من ظلمه لمن يملك أسباب ذلك
وما نراه من سلوكيات سفيهة لبعض أثريائنا حيث تسكن كلابهم في الفنادق والقصوروطعامها غالى الثمن في الوقت الذى تعيش فيها آلاف الأسر في القبور وقد تعجز أحيانا عن توفير وجبة عشاء أو تدبير ثمن علبة دواء وما يعلمه الكثير عن أناس يمتلكون فيلات وشاليهات في أماكن عديدة قد لا يدخلونها إلا أياما معدودات في العام في الوقت الذى توجد فيه شريحة من المجتمع مهما كان حجمها تأوى كل عدة أسر منها إلى شقة واحدة تختفى فيها الخصوصيات وتهدر فيه الآدمية التى كرمها الله وما نسمع عنه من أفراح إستفزازية تنفق فيها الملايين في الوقت الذى يصل فيه بعض الشباب سن الأربعين دون أن يقدر على تدبير تكاليف الزواج

هذه النماذج نذير خطر على المجتمع قال تعالى " وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا " وفى الآية قراءتان بتخفيف ميم الفعل " أمرنا " مترفيها بما يأمر به الله دائما بإقامة شرائع الدين ويأبى المترفون ويفسقون فيحق عليهم التدمير والقراءة الثانية بتشديد ميم " أمرنا " أى جعلنا المترفين أمراء وقادة ووسد الأمر لغير أهله ففسقوا – كدأبهم – وحق التدمير ألا يعتبر شيوع المرض والخوف والجوع لونا من ألوان التدمير؟

و الحديث يطول و يطول ..
أفلا ترون أن كل هذا وحده كفيل بأن يجعلنا متخلفين عقودا من الدهر عن من نعتبرهم غرب ؟

لكم التعليق

سلام

والله صدقت وكفيت ووفيت يا مهند

هادا هو الحكي

الشعب العربي لو كلو يفهم هادا الحكي ويصحى كنا تغيرنا من زمان

بس مين هادا يلي بدو يستوعب هادا الحكي

شوفوا يا جماعة الخير

مهند احنا من زمان لو بتتذكر حكينا مراراً وتكراراً عن القوانين الوضعيو الدستورية وقوانين الشريعة

مشاكلنا مارح تنحل الا اذا رجعت الشريعة الاسلامية تحكمنا مرة تانية

لك المصيبة انو الناس بيقلولك انو ايام عصر الاسلام الاول ما كان في هي التكنولوجيا وما كان في قوانين تحكمن متل قوانين المرور مثلاً

ويلي خلقكن انا مستعد ارجع اركب الخيل والفرس والحصان وامشي فيه على اني اركب سيارة او موتور

على القليلة الخيل مارح يعمل تلوث بيئي او رح خالف بالاشارة او ما الى شابه من هي الاحكام المرورية وكمان مارح نعمل ازمة سير وحوادث

ماعلينا من هالحكي

طيب هادول ناس يامهند كيف بدنا نقنعهم بقانون الشريعة الاسلامية لك والمصيبة انو يلي بيقلك هيك مسلمين

شوفوا يا جماعة الخير ... نحن قوماً أعزنا الله بالاسلام ومن ابتغى العزة في غير الإسلام أذله الله

واحنا لمن رضينا بالقوانين الوضعية الدستورية بدل قوانين الشريعة الاسلامية كأننا عم نقول انو احنا موافقين على القوانين الوضعية

في ناس رح يقولوا انو احنا مو موافقين ومو طالع بايدنا شي ... بس السكوت علامة الرضى

وغير هيك السكوت عن الحق شيطان اخرس

وهلق انا بجزملكن مافي ولا دولة اسلامية عربية عم تطبق الشريعة الاسلامية

وهلق انا بجزملكن مافي ولا دولة اسلامية عربية عم تطبق الشريعة الاسلامية

وهلق انا بجزملكن مافي ولا دولة اسلامية عربية عم تطبق الشريعة الاسلامية

كل الدول العربية بلا استثناء بلا استثناء بلا استثناء ما عم تطبق الشريعة الاسلامية لا من قريب ولا من بعيد

الاسلام بعصرنا الحالي اقتصر على الصلاة والصيام والزكاة فقط لا غير وبقية الاحكام وبقية الاسلام عليه العوض ومنه العوض وحسبي الله ونعم الوكيل بكل العرب من اكبر شخص لاضغر شخص

حتى علماء المسلمين يلي سمو حالهن علماء الا ما رحم ربي ركبو هواهم وعم يعملوا متل مابدهن زعمائهن

قال الله تعالى عن لسان نبيه يعقوب ابا نبينا يوسف عليهم وعلى نبينا الصلاة والسلام (( إنما أشكو بثي وحزني إلى الله )) (( إنما أشكو بثي وحزني إلى الله )) (( إنما أشكو بثي وحزني إلى الله ))

قال تعالى في سورة الكهف (( ولا تعد عيناك عنهم تريد زينة الحياة الدنيا ولا تطع من أغفلنا قلبه عن ذكرنا واتبع هواه وكان أمره فرطا ))

ضيعنا حقوقنا الصغيرة فضاعت حقوقنا الكبيرة

يتبع...

أحمد اللاذقية85 ... عدو الظلم والطغيان والفساد في الوطن العربي باحث عن الحق في زمن ضاعت فيه الحقوق (( عِـــقـــ الـــعـــرب ـــاب ))

بدايةً ألف ألف شكر لكما أحمد ومهند

أحمد أفندي : بتصوّر مهما اتْطور الموضوع وتناقشنا سلباً أو إيجاباً
هاد الشي لا يُغيّير من مدى الصداقة والإحترام المُتبادل .
_____________________
أنا من جهتي ((وما بعرف ليش)) ما بحبذ أنو نرجع لأيام السيف والترس والفرس
وحجر الكبّة؟؟
بتخيل شخصياً العلم وُجِدْ للناس تعمل فيه وتتقدم وخصوصي في مجال
السرعة والتقنيات ؟؟يعني تخيّيل هلئ عمنتناقش عبر الحمام الزاجل أو من
خلال رسائل بالبريد البريّ ؟؟
الحاصل لهُ: وباختصار ومشان كون واضح وصريح
أنا ضد أن تكون الدولة إسلامية بالمفهوم اللي حضرتك بتقصدو.
وكل واحد يحسبا متل مابدو ؟؟؟؟؟؟؟
من منطلق اقامة حدود الله نعم.
أما متل المنهج المُتْبع بكذا دولة بتسمي نظامها إسلامي فألف مليون لا وكلا.
بعتقد إنسانياً ونسبياً ونظرياً ومنطقياً وعلمياً وعملياً الله وحده بيحاسب البشر
(بتمنى ينفهم قصدي) ؟!
وأنا بيعجبني كتير المناخ الديني والعلماني بسوريا
كلاهما متعادل .
ومابشعر بتزمت ولا بتحرر زائد عن الحد
يعني ابفضل دولة اسلامية بمنهج علماني مُساير للحياة.
وإزا مو كتير توضّح كلامي مستعد عيدو بصياغة أُخرى.

ممممممم

منجي للكلام اللي اتفضل فيه مهند
بوافقك الرأي وهادة اللي قصدته بتعليقي السابق
الإسلام سلوك ومُعاملة ومنهج =عبادة
مو شطارة و(فلهوة)جمود = عادة
بس أنما نحنا ماعمناقش الدين والتدين بقدر ما الموضوع
بيتعلق بالدنياوأحوالها وتقلباتها؟؟؟
يمكن خلاصة القول : السبب بالتخلف والتراجع أو عالأقل
المراوحة في المكان بيعود لشغلة وحدة هي المنطلق والأساس
بناء الإنسان وبناء عقله على البحث والتحريّ وطلب العلم
بس هاد الشي بدو وحدة من التنين ؟!
يا أما مُعجزة ؟
يا أما محاولة تنشئة جيل مرتاح نفسياً ومعنوياً وحاصل على أساسيات العيش
بكرامة ومو سمعان بشي أسمو عوز أو فاقة
وهالشي بالامكان بس بدو وعيّ وتكاتف من الجميع
ومبدئياً أكيد نحنا ما عمندْعيّ أنو جبنا التعلب من ديلو ؟
واكتشفنا شي قانون جاذبية آخر ؟؟
يمكن هاد الشي 90% معروف حتى لدى الأُمْييّن .
بس أنا سؤالي بالأساس:
وقت اللي مثلاً الغرب عموماً كانوا عميعملوا تحديث للعلوم
وقوانين بشرية للحد من الفوضى والعبيثية الانسانية
العرب شو كانوا ؟؟
وين كانوا؟؟
مشغولين بالمعلّقات الشعرية
ولا بعقدة أوديب العربية؟؟
هنا السؤال .

» بدون موضوع
» فلسفة الحب الأعمى.... (أحلى موضوع)