الموضوع الاخير لساره(ريحانه)

size=29]السلام عليكم ورحمه الله وبركاته

رح يكون هاد الموضوع الاخير الي
كان بالمنتدى حيات الروح او همسه ملاك
يلي قضيت بها المنتدى(حياه الروح)حاول سنه
وكانت من سنوات المميزه يلي اكتسبتها بحيايتي
متل ماكل تجربه فيها السلبي والايجابي
وانا كمان ساويت شي ايجابي وشي سلبي
وبعرف في شغلات كتيره سلبيه ساويتها
وخاصه اول مافتت وسجلت بمنتدى حيات الروح
وصار سوء تفاهم كتير بيني وبين الاعضاء
بحب اعتذر لكل شخص جرحته بطريقه مباشره او
غير مباشره
وها الاشخاص يلي جرحتون بعدين صار من اعز اصداقائي
على نت
وحابه قول لناس كتيره انو اسمي الحقيقي
ساره ويلي كان مفكر غير هيك هاشي انا مابستحي
من اسمي
بس كل حكايه متل مافي بدايه
لزم يكون في نهايه وحلو شخص هوه يقرر امتا
نهايه افضل ماتنفرض عليه فرض
وانا حبيت اكتب نهايه وهي نهايت نت
بالنسبه الي متل مابعرف في كتير اشخاص ببتمنوا
مايدخلوا على نت بس مابيقدرو بقولوا ادامان نت وو
بس انا رح اقدر ورح اكون قد هاشي ورح انهي نت
من حياتي والى الابد
بالاخير بدي اشكر
اخي
نضال
هاد شخص وقف معي كتير وهاشخص كتله من مشاعر والاحاسيس
عكس مامنفكر نحنه اتجاه انو بحكي حكي مالو طعمه وو بس
والله كل كلمه الها معنى وشكل ولون الله يوفقه ويسعده ويهني
بحياته ويجمعه بالحبيايب
وبحب انصحه يسمع كلمه اهله ويوافق على كلامن

وحابه اشكر
رامي
هاشخص نبيل وخدوم وكمان صار سوء تفاهم
بيني وبينه بس الحمد الله انزال هاسوء تفاهم
وبحب انصحه مايأس من رحمه الله ويلي بدور
ببلاقي وهوه فهم علي

وحابه اشكر
مهند
هاشخص من اطيب الاشخاص يلي عرفتن
وبحب يساعد ناس كلها لو طلع بأيده
ومابحب يجرح حدا مين ماكان
وهوه عرفني على المنتدى حيات الروح
وبحب انصحه
يكمل بدراسته ورساله بدكتورا موفق يارب

وحابه اشكر رايه
هاالبينت هيه بتعطي صوره وهيه صوره تانيه خالص
بنت طيوبه وجميله وبنفتح القلب لحكي معها
عفويه الى ابعد حد مابتعرف تحكي نوعين متل
ابو شهاب شكلين مابتحكي هههه
وحابه انصحها
دير بالها على حالها وعلى تصرفاتها من شان ناس
تفهما صح مو غلط وهيه بنت اكابرررر

وبحب اشكر دنيا ها البنت
دللوعه وبلبقلها والله يوفقها بدراستها
ونشاله تنجح بببلكوريا

وبحب اشكر مرام هالبنت
محترمه ومابتغلط بحق حدا الله يوفقها يارب

وبحب اشكر احمد
هاشب في قمه التهذيب والاخلاق والدين والمعامله الحسنه
وهاصفات نادره مانشوفها بشاب هاالايام
وحب انصحه يخفف فوتاته على نت

اما الشخص الاخيررررررررررررررر
وحبيت اتركه لاخير للانو رح تضل بقلبي لاخير يوم
الي بحايتي الوقعيه وليس على نت
كميله(سوزي)(هيجو)
هاالبنت طيوبه الى ابعد درجه الى حد
بتقلها البن السود بتقلك اسود هههههه
الله يخليها يارب هيه بتعرف معزتها بقلبي
مارح قول لانو يلي بدي قوله بتعرفه هيه منيح
وبحب اقلها تحتفظ بشي يلي عطيتا ياه
وهابنت بحسها متل اختي الكبيره بس هاد
مو حكي وخلاص لا هيه فعلن متل اختي الكبيره
و هيه رقم 1
بحياتي الوقعيه وعلى نت
الله يوفقها
وبحب انصحها تنفذ نصائحي يلي قلتها الها وهيه بتعرفهااا

وبلاخير انا اسفه جدااا لتطويل الموضوع بس معلش استحملوني هاد اخر موضوع الي
ومن شان قصه النصايح انا ترددت في كتابتن من شان ماتفهموني غلط بس حبيت
اترك شي اوصيكم عليه
خدوها بزاويه الايجابيه
وسترواا
ماشفتوا مني
رح ارجع فوت واشوف الردود بس عذروني ماعاد رد على اي رد
وفي
الختام
سلام عليكم ورحمه الله وبركاته
pale

وعليكم السلام ورحمة الله وبركاته

سارة ؟ ريحانة؟
حيلا أسم مو مهم الأسماء
بس نظراً للمُتعارف عليه بين الناس
مضطرين نتعامل بالأسماء

الموضوع الاخير لساره(ريحانه) 3rbsc-ed44bd612e

سارة بنت الحلال الأكابر
البنت العصبية والمعجوقة عطول
وبسمح لنفسي أتمادى وقول
البنت المجنونة
والله يا سارة مابعرف شو بدي أكتبلك ولا شو أحكيلك
في شغلات بتصير بالدنية ؟؟
الواحد مابيملك غير الصمت

في ناس بيدخلوا للقلب وفي ناس مابيدخلوا
بس أنتِ من الناس اللي بيحفروا بالقلب
هههه شوفي حتى ضحكتي صارت متلك ؟؟
ضحكة عصبية وقصيرة
وكأنو القصد منها إضحاك الآخرين أو جعلهن يحسوا
بأنو الجو لطيف مو متوتر
أنتِ يا سارة مندون مجاملة ولا شطارة بالحكي ؟
أنتِ إزا جاز التعبير (فوتيني بالحيط)
وقت كنا نحكي سوى عالمسن
ماكنت حس أنو مسنجر؟؟
كنت حس إنك قريبة يمكن مترين بعيدة عني؟
والسبب هوة إنك بتحكي بكل طبيعية

ممم
وبعد هالــ ممم
بينزل وابل من الحكي متل الرصاص
ههههههه
بتنعجقي وبتعجقي الكل معك
وكنت دايماً أتسائل ؟
ولييييي هلء سارة ياترى هيك بتحكي بالحقيقة
بسرعة ولسة بيكون الواحد عمبيفكر
بأول جملة ....بتكوني ماشاالله كتبتي
15 جملة

عكل حال ألله ايسرلك
وتتوفقي بحياتك ويجعلك بكل خطوة سلامة
وبكل صباح جديد فرح أمل واستقلال
استقلال = ألله لايعيّزك لحدى
واتضلي متل ماعرفتك
سارة اللي مابتحطا واطية لحدى
سارة القوية الآدمية
اللي بس بدا من يفهم عليها
سارة الفضولية لدرجة كترة الغلبة

هههههههه والله العظيم ساعة بتدمع عيني وساعة بفرط ضحك
بتعرفي كنت متخيل أنو الوداع فجأة ومندون سابق انذار صعب
وطلع معي هلء كمان الوداع صعب بانذار؟؟
بالنسبة للحكي اللي حكيتيه عني
مو بس بشكرك كمان بقلك
الله يجبر بخاطرك
سارة بيجوز انتي معد ترجعي وبيجوز ترجعي
ألله أعلم
وبيجوز كلنا نضل أو نروح أو أو
بس أنا كتير أكيد أنو بس هية الذكرى الطيبة اللي بتبقى
فألله يذكرك بالخير
بكل لحظة وثانية
أنا وقت كنت حاكيكِ أنتِ (بالذات)
ماكنت أشعر أنو عمبحكي مع بنت ؟؟!!
كنت حس أنو عم بحكي مع سارة الإنسان
مابعرف ازا حدى رح يعرف شو يعني هالحكي
بس اللي أنا بقصدو أنو يمكن كنا نحكي
كأرواح مو كأشخاص

يمكن عملت وكتر حكي
لأني ماعمبعرف شو لازم قول آخر كلمة
محتار شو لازم يكون
يمكن عمبكتشف ئديش أنا كذاب
لأنو عطول بقول
لامبالاة وبلاقلب و و و و
بس ألله العليم مو أنا اللي عمبكتب
يمكن قلبي.

بتمنالك كل خير ويارب
ينورلك دربك وحياتك كلا
وتشوفي أيام حلوة
تنسي كل شي ضايقك بيوم

الموضوع الاخير لساره(ريحانه) 3rbsc-a75b930292

ويمكن لقيت أحسن شي قولو بالآخير
لا آله الا الله محمد رسول الله

له له شلون هيك نسيت أنصحك

rendeer

سارة حبابة نظري لهالنصيحة
نظرة إيجابية مو أنو سئالة
ممممممم
بدي منك تديري بالك على حالك
وتحاولي وبالأحرى مو تحاولي
لازم تجبري حالك تخففي الفضول اللي عندك
دعيّ الخلق للخالق
يعني لاتاكلي همْ شغلات لا بتئدم ولا بتأخر
وخلْيّ شِعارك بالحياة
بُكرة أحلى
pirat

وهلء بمجرد ماتعملي إكزت وتطلعي من النت
فتحي صفحة جديدة بالحياة
وعطول كوني مقتنعة بأنو مافي رمشة عين
بهالكون الاّ وربنا شايفا
ومارح قلك سامحي وتسامحي ومابعرف شو
شو ماصار معك ؟
لأ
بس لاتنسي إن الله يُمهل ولا يُهمل
فعملياً إزا حسيتِ بأنو الطرف التاني
((مين ماكان يكون))
ظالم أو شبه ظالم
معلش الله كبير
إنتِ كوني دايماً سارة المرحة
الصبيّة العاقلة
geek

وصدقاً صدقاً هالنصيحة
من كل عقلي وقلبي وبكل أخويّة
بتمنى تتكرمي وتقبليها مني
كلمة أخيرة: ألله يحميكِ .
Question

بـــ

ـــاي

سارة

يا أفضل صديقة انا لما شفت هالشي قبل كم يوم انصدمت و ما قدرت صدق

انتي كيف بدك هيك تروحي و بهالسرعة هي والله ما كانت لا عالبال و لا عالخاطر
و أنا شو رح يصير فيني و مع مين بدي اقعد احكي؟ انتي ما كنتي بس رفيقتي انتي متلك متل وحدة من اخواتي و اعز ووالله برتحلك كتير و خصوصا لما اقعد فضفضلك و احكيلك كل شي كان يصير معي و انتي تقعدي لوش الصبح سهرانة ههههه
سارة انتي وحدة ما بتنسى و قلبك الطيب و الصريح مالن مثيل و انا كنت كتير محظوظة لاني عرفتك و يمكن اللي متلك كتير قلال . عن جد شعور بالعصبية على زعل و تفاجئ انتي كيف هيك رح تروحي
انا لهلا عندي املي كتير كبير انو انتي ما رح تختفي هيك و اذا اختفيتي رح تكون لفترة قصيرة و بس لانو انا و انتي اكتر من اخوات و الاخوات بيضلوا بيطلوا على بعض.
عن جد ما بعرف شو بدي قول لانو الحكي ماعد يطلع معي بس الك وحشة كتييير و رح اشتقلك كتيييير و بتمنى لو شو ما صار انو الله يوفقك و يسعدك و لا يحرمني منك و بتمنى من كل قلبي تديري بالك على حالك و تكوني مبسوطة على طول
رح يكونلك عطول وحشة بقلبي

من اختك Higo

الله يسامحك عن جدا ماعندي شي احكيه ابدااا ابدااا

كل الي بتمناه انو تتوفقي بحياتك يارب وماتنسينا وتذكري هي الأيام ووقت تشتاقيلنا لاتترددي فوتي على الايميل او هون بالموقع scratch

تمنياتي لك بحياة سعيدة وهادئة يارب وانو تنبسطي بحياتك

لن أقول الوداع ولكن اقول الى اللقاء والأيام بيننا كانو برسالتك هي تقولي جايكم الدور انتو كمان ويمكن انا بعدك سارة scratch

دربالك على حالك
Question