بوش يهان كما قالوا ! ام لكل ساقط لاقط ..

بوش يهان كما قالوا ! ام لكل ساقط لاقط ..

كلنا تابعنا يالي صار مع الرئيس الامريكي بوش .. لما الصحفي العراقي رمى الكندرة عليه .. كتير مننا صفق للصحفي وفيه الي انتقد .. طبعا الموضوع مع انو له فترة صاير الا انه لسى كلام الناس وحديث الساعة زي ما بيقولوا ..

عموما حاب اسمع ارئكم بالي صار .. وشو وجهة نظركم ..

بدك رأيي

يا ريت هالكندره كانت شي قنبله او سكين مزقت قلبو لبووش
لانو بيستاهل اكتر من هيك يصير فيه
اصلا الكندره حرام توسخ حالا بهيك واحد ...
وبالنسبه للصحفي منتصر الزيدي الله يوفقو ويحميه يا رب
لان يلي ساوواه ما حدا من العرب قدر يساويه ..هاد مو بس موقف شخصي
هاد موقف عربي كل لانو يلي صاار بالعراق من ورا بوش مو قليل
بيكفي الاطفال يلي عم يموتو كل يوم من دون ذنب
هدول ما في مين يدافع عنن ويحاكم يلي عم يقتلون بس الصحفي يلي دافع عن شرفو بكندره
الكل ععم يحاكمو ..

بوش يهان كما قالوا ! ام لكل ساقط لاقط .. 6510657abf

شكرا بلقيس على مشاركتك .. وانا بانتظار باقي الاعضاء ..

والله ياعزيزي مازن

انا مع يللي صار لبوش 100%
بس اااااااخ ياريت اجت هالصرمايه بوشو
كان طلعت الذ

بعدين بوش كلو على بعضو مابيسوى فردت صرمايه من يللي انضرب فيها
وصراحه اناا مع الزيدي والله يوفقو ويحميه يارب
لأنو رفع راسنا ورجع شوي من كرامة الشعب العربي
لأنو يللي عملو بوش كان ذل واهانه للشعب العربي كلو مو بس للعراق
والزيدي يللي قدر عليه عملو
وصدقني هالصرمايه احسن من الرصاصه

وبشكر الاخت بلقيس على ردها الحلو وبوافقها الرأي

تقبل مروري اخ مازن
وعم ننتظر ردك انت كمان

هههههههههههههههههههههههههههههه
ماعندي تعليق
بس متل ما قالت بلقيس وقال خالد
والرأي واحد

يسلمو اخ مازن

وبتمنى شوف رايك

" أنظر هنا صلب الشهيد فمن ترى بعدالشهيد ؟...
ماذا على مبنى الدفاع و ساحات الرشيد ؟.. المجرمون على النعال
يجرّهم موج غضوب .. تحت النعال كذلك تنهي قصة غدر الشعوب "

من قصيدة " بغداد تمزق " للشاعر العربي الكبير سليمان العيسي قالها قبل أكثر من ستة عقود ...

من منا لم يستحضر مشهد إعدام الرئيس الراحل صدام حسين حين وقف أمام حبل المشنقة صامدا متحديا و شامحا .. بينما إرتعدت فرائص " الكلب " بوش الذي كاد يسقط أرضا من شدّة الخوف من مجرد " حذاء "

من منا لم يتذكر بدأ بوش الابن ولايته بمطاردة أشباح أسلحة الدمار الشامل المزعزمة في العراق و ها هو ينهي ولايته بتلقي صاروح عابر للقارات على وجهه

من منا و من منا لم و لم و لم و لم و لم ....

منتظر
يا نعم المنتظر
حيّتك الشعوب قاطبة
فافتخر كما شئت
ثم افتخر
حيّتك أمة
مازالت للعزّ تفتقر
ها إني أعزيك
يــــــــا ســـيّــــد الـــعـــالــم
فقد عدتَ بخفّي منتظر

اهلن بلقيس ..

انا معك انو بوش نحنا مابنختلف انو بوش بيستاهل وانو واحد من اسباب المشاكل .. بس يالي صار هل هو شجاعة ؟ انا بشوف انها غباء بصراحة .. واطفال العراق ذنبهم انو اهلهم خونة ..

شكرا لك ولمرورك ..

اهلن خالد ..

بعيد مرة تانية انو بوش ما بيسوى شي .. بس انت بتقول انو كرامة الشعب العربي رجعت !! رجعت برمي كندرة !!

وكيف رفع راسنا !! مشكلة اذا كنا نعتبر انو كل الي بنقدر عليه هو كندرة !!

شكرا لك ..

Rymon

شكرا لك ولمرورك

ando

بماذا يفتخر !! وعلى ماذا نحييه !!

شكرا لك ولمرورك

وهنا اوجه سؤال للجميع .. هل تعتقد ان كرامتك كعربي رجعت بعد

ماقام به هذا الصحفي !

انا ما عم قول انو رجع كرامت العرب والشعب العرااقي بكندرتو...(( لا))

بس عالقليله قدر انو يعبر عن يلي جواتو من حقد وكره بطريقه جريئه وشجاعه
يمكن تكون بنظرك وبنظر كتار من النااس سخيفه
بس يا ترى !!
السوال انو في شي عربي تجرأ يساوي متلو ؟
اديش فلسطين والعراق نادت وعم تنادي العرب يساعدون يوقفو معون
في شي مسؤل عربي تحرك او حاول يعمل شي
لا تجاوبني !! لانو الجواب واضح وكلنا بنعرفو وعم نشوفو
شوف شو عم يصير بغزه ما حدا من العرب اتطوع انو يبعتلون معونه عالاقل والنتيجه عم يموتو
من الجوع غير القتل و و و و
بس بالمقاابل عم يقدرو يعطو هدايا لرايس بالاف الدولارات ..ما بدي احكي بهالنقطه لانو بتضحك وبتبكي بنفس الوقت
لما واحد متل منتصر الزيدي فقد كتير من اهلو وعاش الظلم لا تستكتر عليه انو يضربو بصرماايه ..ويمكن لو معو سلاح صدقني ما كان قصر فيه
(لان يلي ايدو بالمي مو متل يلي ايدو بالنار))
بس بالنسبه لانسان متلو لا حول له ولا قوه ما في غير الصرمايه يلي لابسا تتحول (( لسلاح ))
ناتج عن عزاب ومعاناه شعب باكمله ..يعني هالتصرف كان رده فعل طبيعيه من انسان عندو كرامه
لمجرم كل العرب عم ترضخلو رغم انو اعتدا على شرفون
يمكن يكون هاد لسلاح مضحك وسخيف متل ما عم تقول بس قدر يساوي يلي ما قدر يساويه
السلاح العربي الحقيقي .. ما بعرف لايمتا مخبى او يمكن حاطينو منظر ال يعني دوله تملك سلاح
بالنهايه يلي بدي اوصلو انو
التصرف يلي قام فيه منتصر الزيدي ليس بطولي .. ولكن عجز وجمود العرب جعله كذلك

تحياتي

اهلن بلقيس ..
موضوع فلسطين بعيد تمام عن الموضوع ورح ندخل دوامة تانية ما الها علاقة بالصحفي العراقي ..
انتي ركزتي على نقطة .. انو برايك انو انا مستهتر بالكندرة كسلاح .. انا ضد الفكرة من الاساس .. كندرة او غيرها .. لانو في النهاية لا رح تقدم ولا رح تأخر .. وبعدين انتي تعرفي انو ( اغلب ) الشعب العراقي صفق ورقص على انغام مدرعات الجيش الامريكي ! مو كانو امس بدهم ديموقراطية امريكا ليه زعلانين هلا!
وانتي قلتي كلمة رائعة وتستحق تكون عنوان كبير ..

التصرف يلي قام فيه منتصر الزيدي ليس بطولي .. ولكن عجز وجمود العرب جعله كذلك

بس رح عدل واضيف كلمة عاطفة العرب

شكرا لمرورك ودايما منورة ..