(( مع )) او (( ضد))

موضوع: (( مع )) او (( ضد)) السبت سبتمبر 20, 2008 6:00 am

((.. السلام عليكم ورحمة الله وبركاته ..))

صبــاحكم / مسائكم .. ورد X ورد ..

موضوع شفته وأعجبني .. وحبيت انكم تشاكوني فيه ..

... ((( مــــــــع أو ضــــــــــــد ..؟؟؟ ))) ...

والفكـره كالآتي ،،،

بطرح سؤال ويجي العضو الي بعدي ويجاوب عليه..

بـ ( مع أو ضد ) يعني يا انه يكون مأيد هالشي أو رافضه..

و ياحبذا لويبرر الإجابة يعني يعللها ^_^..

وبعدين يطرح العضو سؤال جديد ..

ويجي العضو الذي بعده ويجاوب على سؤاله .. وبعدها يحط لنا سؤاله ..

وهكذا ..
أتوقع الفكره كتير واضحه ومافيها أي لبـــــــس ..

ولاتبخلون علينا بالأراء والتفاعل ..

((بليييييييييييييييييييييييييييز بديّ تفاعل ))

دمتم بود ومحبـــــــــه ..

،،

،،

وأنا ببدأ وبسأل الي بعدي ..

مع أو ضد / الزواج من الأقارب ..؟؟؟

مع أو ضد / الزواج من الأقارب ..؟؟؟

بالبداية مرحبا+أهلا وسهلا فيك فادي=إلك وحشة

مبدئياً أكيد (ضدْ) لأنو عمنشوف بكتير حالات
المشاكل العائلية عمتأدي للفراق بين الزوجين
أو العكس. pig

بس مع ذلك في كتير حالات أثبتت نجاح
بحكم أنو بيعرفوا أطباع بعضن؟

أنتَ/أنتِ
مع أو ضد
مايُسمى المُساكنة؟؟؟= العيش مع شريك مندونما زواج
لا رسمي ولا غيرو؟
فقط أكل وشرب و Like a Star @ heaven

أول شي بشكرو لفادي على الموضوع الحلو و المميز
و بالنسبة لمفهوم المساكنة :أكيد أنا ضد هالمفهوم الغلط اللي منتشر كتير بالغرب
و أول سبب لرفضي هو أنو ديننا و عاداتنا ما بتسمح بهالشي
و وقت الواحد بيحب يسكن مع وحدة بحجة أنو يتعرفو أكتر على بعض فهاد شي غلط لكن شو فائدة الزواج بهالحالة ؟؟
الله حلل الزواج ...و فترة الخطبة أتوقع رح تكون كافية مشان يتعرفو على بعض منيح

ضد أو مع :
عمليات التحويل الجنسي أي من شب إلى بنت و بالعكس ؟؟

شكراُ اخ فادي عالموضوع الحلو

وسؤالك ياجوجو اكيد معروف جوابه

طبعاً ضد

مع/ضد

الهجره
مع التعليل؟؟؟

MALCOM-X

خلوّد سؤالك مو كتير واضح ؟

بس بجميع الأحوال
إزا قصدك الهجرة للعمل وبناء مايُسمونه مستقْبل ؟

فتقريباً مع ....... علماً أنو على مستوى شخصي مابحب هالشي ؟

وإزا كان قصدك هجرة =إنتقال نهائي من البلد الأُم

وخلق حياة جديدة وأُناس جددْ؟

فأكيد ضدْ لأنو الواحد بوسط أهلو وناسو ؟وحاسس بالغربة
بقى كيف وقت اللي بيغيّر بيئته ومسقط رأسه ؟
.............................................

مع/ضد

الصداقة عن طريق النت
والتي تؤدي للصداقة بالحياة الحقيقية حصراً
مع الأخذ بعين الإعتبار أنو الحياة الحقيقية

أصلاً هيّة كذبة كبيرة بحجم الكرة اللي عايشيّن عليها .
scratch

و الله يا نضال أنا (مع الصداقة عن طريق النت )
بس طبعا تكون ذات حدود و أنو تكون بالفعل رفقة حقيقية مو تسلاية و تطبيق ومصلحةو غيرو وكمان هي الشغلة بتوقف وفقا على الأشخاص اللي عم يتعاملو مع بعض على النت ...
مع أو ضد :
هالمرة الحب عن طريق النت ؟؟؟؟

والله الصراحه ياجوجو
الحكي بهالشغله طوييييييييييييل
بس ممكن يصير وممكن لأ
يعني الحب عالنت بيكون بعد تعرف طوييييييييييييييل
من الصداقه
بعد فتره اكيد الواحد بيكون عنده فكره عن الطرف التاني
طبعاً مو فكره كامله
لأنو اكيد عالنت بيكون في تصنّع كتير
بس بعد هالفتره يعني ممكن يبين شوي من يللي متخبي
واكيد اذا بدو يصير حب عن طريق النت
اكيد مارح يستمر عالنت
يعني لازم يكون في لقاء
يعني انو النت بيكون وسيله مؤقته للتعرف على بعض
لأنو لازم يكون في لقاء
مشان كل واحد ينعرف على طبيعته
والعيون اكتر شي بتكشف الانسان
وانتي سألتي مع أو ضد
أنا برأيي الشخصي (ضد)
لأنو مافي شي دافعني انو حب عن طريق النت

مع/ضد

الزواج بعمر مبكّر؟؟؟؟

MALCOM-X

وأنا بأيّدك إنجلْ مية بالـ %

ومتل ما اتفضلتِ

الطرفين هنن بيحددو مدى صدق وإيجابية هالصداقة

بالنسبة للحب

أكيد مع .. لأنو بعرف أنو النت متلو متل الدنية

وفيو خير مو متل مو الغالبية مفكرين

ليش هالعالم عموماً بتعتقد أنو النت كلو خداع ومصلحة ؟

والله في ناس نيّتهن صافية .مابتخلى الدنية؟

مع/ضد

زواج الأخت الصغرى قبل الكبرى؟

أو الأخ الأصغر قبل الأكبر

مع/ضد
الزواج بعمر مبكّر؟؟؟؟

ممممممم باختصار يا خالد مع

لأنو أحسن وأستر وأشرف مهما كانت المصاعب .
بتضل المسألة أحسن من التأخر ؟؟

سؤالي نفسو ؟

اول شى شكراا كثير يارامى على فكرتك الرائعة

وانا مع /زواج البنت الصغرى قبل الكبرى
لانه هاد اسمه نصيب وربنا بكون كاتب نصيبها وما حد بقدر يوقف فى وجه النصيب
وبعدين فى المجتمعات صار شى عاااادى انو البنت الصغرى تتزوج قبل الكبرى
انا عندى با العيلة الاخت الكبرى ما اجى نصيبها وخواتها 2 اصغر منها تزوجواا
يعنى ماوجهة نظرى
تحياتى الكم
جميعا
بنقدر انوقف نصيب البنت عشان اختها يعنى ممكن البنت تزعل من الموضوع بس هيك النصيب
انا لو محلها عاااااااااادى ما بزعل لانه النصيب والقدر
انا هيك

نسيت اسال سؤال للبعدى؟؟

انا مع /اوضد/
مع الزواج التلقيدى ام الزواج عن حب

و الله يا ندوش أنا ضد الزواج التقليدي ... و حلو الواحد يتزوج عن حب
لأنو أحيانا نتائج الزواج التقليدي مو دائما جيدة ..
لأنو الاختيار بيتم من قبل الأهل و عادة بفترة الخطبة سواء البنت أو الشب
ما رح يعرفوا صفات بعض مزبوط لأنو بيكونوا فرحانين على بعض و ما بيشوفوا شي
و بالتالي ما رح يتم الكشف عن بعض الصفات إلا لبعد الزواج
و ممكن يصير الطلاق في بعض الحالات
لذلك أنا بأيد الزواج عن حب ... و هاد رأيي الشخصي طبعا

سؤال للي بعدي :
مع أو ضد
المساواة بين المرأة و الرجل في كافة المجالات ...

المُساواة؟؟

أنو مساواة المرأة خاطفة من الرجل تلت رباع فرص العمل
ومندون مزح قانون الزواج والتملّك وكل القوانين
مع المرأة ومن صفها 90% لسة شو بدها المرأة
شوي تانية الرجل هوة اللي بدو يطالب بالمساواة مع المرأة
إنجلْ عنجد في كتير قوانين ظالمة الرجل

أنت/ي
ضد/مع

الزواج من غير جنسية
ولماذا ؟

مع الزواج من غير جنسية طبعا مع اختيار الزوجة أو الزوج المناسب

موبس منشان الواحد ياخد الجنسية ويشتغل ويقضي كم سنة بعدين باي

انت/ي ضد ولامع

التسامح في الخيانة الزوجية رجل أو امرأة

هون الحياة الزوجية فيها ولاد ومسؤوليات ومأ سسة بصعوبة

ممكن الواحد يسامح ولا لأ أنا متأكدة رح تقولو ضد بس بدي ياكون تفكرو شوي

بالعواقب بدون التمييز بين امرأ’ة أو رجل مع اني المجتمع

بيسمح للرجل وعادي وما بعرف مين ساواها عادي

مع اني هنن متل بعضون

والله يا رامونا .... وبصحيح العبارة؟؟

قد يتفاجأ الكل برأيي!؟
أكيد مو مع الخيانة بمفهومها
؟؟/ الجنسي/؟؟
بس إنما ما بعتقد واحد أو وحدة بيتجهوا للخيانة
كَ هواية أو لعبة حبوّا يجربوها
مشان هيك :لكل فعل ردة فعل
على المرء والمرأة
أن يكونا ستراً وغطاءً كما أمر رب العالمين.
ومبدئياً ((الله))من سابع سماه بيغفر للإنسان
لأنه أدرى بخلقهِ.
ويمكن الحديث يطول ويطول.....
_________________________
بس في شي أسمو ((خيانة معنوية))
يعني خيانة روحيّة
مثل أن يُشعر الرجل زوجته بأنها كل شيء في حياته
أو العكس؟؟
ويكون كلو حكي جرايد عند أول مطب أو حدث مُعين
بينسى أحدهما الخبز والملح =العشرة
يمكن هالنوع من الخيانة أنا اللي ما بسامح فيه.
أنت/ي
مع أو ضد
الزواج من أرمل/ة
أو مُطلق/ة
بغض النظر عن كل شيء يعني كمبدأ؟؟؟؟؟؟؟

والله يا نضال ما فهمتني شي من جوابك

على كل رح جاوبك على سؤالك طبعا أنا مع الزواج من ارمل /ة او مططططلق/ة

وهاد الشي صار عادي بمجتمعنا واصلا هو من زمان عادي

والرسول عليه الصلاة والسلام عمل هالشي وهو أكبرر قدوة النا

انت / ضد ولا مع اني البنت تتحجب بكير على مبدأ بتتعود

ونحن منتحاسب عنا ولا نتركا تحطو عن قناعة

احسن ما تنفر منو ويصير عندا ردة فعل

RaMoNa كتب:: انت/ي ضد ولامع
التسامح في الخيانة الزوجية رجل أو امرأة
هون الحياة الزوجية فيها ولاد ومسؤوليات ومأ سسة بصعوبة
ممكن الواحد يسامح ولا لأ أنا متأكدة رح تقولو ضد بس بدي ياكون تفكرو شوي
بالعواقب بدون التمييز بين امرأ’ة أو رجل مع اني المجتمع
بيسمح للرجل وعادي وما بعرف مين ساواها عادي
مع اني هنن متل بعضون

طيب رح عدلك رأيي بصيغة جديدة؟؟

1- 99 بالميّة بيعتقدوا أنو الخيانة بين الأزواج ((فقط)) جسدية!؟
أو جنسية..بينما الخيانة ممكن تكون معنوية=(روّحيّة)
ومشان ما يتشتت جوابي : بالمبدأ ضد الخيانة بكافة أنواعا
بس لنفرض أنو حدثت خيانة (جسدية) لظروف قاهرة جداً
فأنا بظن أنو اللي بيحاسب : رب العالمين.
2-يمكن أكبر نعمة وبنفس الوئت أكبر مصيبة بالدنية هنن الولاد
وهنن الوحيدين المُتَضررين من الإنفصال بين الأبوين؟
بس أيام مابيكون باليد حيلة
الشيطان شاطر.
3- أنا قصدت بجوابي السابق وهلء الحالي
الخيانة المعنوية =(الروحية)هية اللي ما بسامح فيها
يعني رجل يُوهم زوجته بأنه بيموت فيها وهية أروع إمرأة بالكون
وبس لتصير مشكلة بيحط كل علل الدنية فيها من بخل ولئامة
و و و و و ......
أو العكس الزوجة تتهم الزوج عند أول خلاف؟
هادة الشي غير مقبول بتصوريّ لا بالأرض ولا بالسماء
________________________________
وأكيد مليون ضد أنو البنت تتحجب بكير لمجرد التحجب؟
أنا على حد علمي البنت بس لتوصل لسن البلوغ المفروض تتحجب
بس: لظروفٍ ما أو قناعة أو بيئة مُعينة قد لا تتحجب هالبنت الفلانية
هاد الشي مابيعني أنو البنت صارت مو منيحة أو ؟؟؟اللي هوة
السلوك أهم من الحجاب وخصوصي حجاب هاليومين
ولييييي صارو 24 سطر bom

مع أو ضد
الزواج
الزوج تعليمو متوسط(إعدادي)
والزوجة تعليمها عالي ؟(جامعي)
صيدلية أو مُهندسة .......

سؤالك يا نضال محير
أنا من وجهة نظري
ما في مشكلة أنو يتجوزوا
فإذا كان في تفاهم و حب من الطرفين
و تكون أحوال الشب منيحة مشان يتعاونوا الاتنين في تأسيس حياتن
فأنا مالي ضد هالزواج
بس المشكلة في مجتمعنا أنو الأهل وقت بيجوزوا بنتن
و خصوصا إذا دارسة و واصلة للمرحلة الجامعية
رح يعارضوا هالشي
أنو معقول تعبو على البنت و درسوها و صرفوا دم قلبن عليها
مشان بالأخير تتجوز واحد ما معو شهادة
أتوقع هنن من وجهة نظرن أنو ما رح تتفاهم معو مزبوط
و رح تتعذب بحياتا معو
إلا إذا كان الشب مريش و أحوالو منيحة
وقتها ما بيحكوا شي

مع أو ضد :

تزويج الفتاة لرجل يكبر عنها ب 15 أو 20 سنة ؟؟

تحياتي ألك إنجلْ حلو جوابك وشافي...

بالنسبة لسؤالك:تزويج الفتاة لرجل يكبر عنها ب 15 أو 20 سنة
بصراحة رأيي الشخصي ((ضد))
وبعتقد الحد الأدنى للفرق بالعمر هوة / 4/ سنين
والحد الأقصى /10/ سنين مو أكتر
ومبدئياً في كذا عامل بيحددوا
نجاح أو فشل الزواج غير الفرق بالعمر ؟
_______
مع أو ضدْ

عمليات ((التجميل))

عمــــوماً؟