& سبعة أرواح &

موضوع: رد: & سبعة أرواح & الأحد يناير 04, 2009 3:29 am

حاسس النهايه قربت كتير بعيد
مابعرف ليش كل ما بتطلع بالمرايه بحس بنفس الشعور
الشعور يلي دائما بدلني عليه الشعور
بعمركم شفتو شعور بدون مشاعر ؟
اذا مشاعر اتزوجت وصارت في بيت زوجها
الشعور مسكين طق من الوحده لحالو
قاعد بهالقلب لحالو وعم يتفرج على قطرات الدم الرايحه والجايه
ياخوفي يصير معو حول حبشي على اخر عمرو
من كتر ما عيونه عم تلف يمين يسار فوق تحت
وفوق كل هاد بتجي بالاخير بتقلي معلش سامحني عندي ظروف
ويلي ببعص اكتر الشي مين ما شفت بقلي سامحني عندي ظروف
ويلي بخوزق ان كل الناس عندا ظروف الا انا
شافين الظلم لوين وصل .؟
حتى ظروف ماعاد عندي
بعد ما خلصت كل ظروفي على بكير وبعتا بالبريد السريع
والله اعلم ليش عم توصل متاخره مابعرف
بس سمعت ان التفتيش عالحدود صاير كتير دقيق
وعلى اخر عمري صرت اشحد الظرف شحاده
يا ناس يا عالم عطوني لو شوية ظروف مشي حالي فيها هالكم يوم
عموما ابوس ظروفك انا يلي حارقتني حرق
لاشوف شو اخرتا معك انتي وظروفك
ولو ما بخاف عليكي كنت جيت بحالي وسرقتك من هالظروف
بس شوفة عينك الايد بصيره والعين قصيره
مو طالع شي بالراس
ويا حرزك اي راس فيهم ؟
راس الملفوف ولا الارنبيط ؟
عموما في فرق بين الاتنين مابدي احكي فيهم هلئ لان رح يطول الحديث
والحديث بدو تفسير وتوحيد وفلسفه ورياضيات وفيزيا
وايجاد عامل الضرب المشترك و قطر الزاويه - ومساحة الدائره
ونظرية فيثاغورس و قانون كيرشوف ومعيار الامبير
واهم شي الامبير لان لما الامبير بصير عالي بصير انفجار بالمبايض
بس كمان اذا مافي منظم فولت المحرك الخلفي للمؤخره يمكن يحترق
وخاصة اذا كان التيار متناوب وبقذفات لا متناهيه من الهيرتز
بس لو كان مستمر يمكن الامور بتكون طبيعيه بوجود مكثف كيميائي
بس اكتير شي موفتني بالحيط بذات نفسو
ليش المخلوقه لهلئ ما بينت
باي غاطوسه مغطوسه ماعم بعرف
شي بقول مغطسه بالشوكولاته وشي بقول مغطسه بالكراميل
وياخوفي بالاخير ترجعلي محشيه بالحليب
بس كانت محشيه بالحليب مصيبه والله بس مابظن تعملا
لان بتعرفني عندي حساسيه مفرطه بمنتجات الالبان والاجبان
اه كتير خايفه عليها ولحتى الان ما بينت المنظومه
ولا حتى فكرت تتصل علي لو مره وحده بس
بس بجد يا خساره الكوسا والمحشي والملوخيه والكبه
الله يرحم ايام لما كنا ندخن سوا فوق الاسطوح تحت ضو القمر
وكانت تقلي بردانه وانا قلا هي مشكلتك ماحدا قلك تتعري وتلبسي شلحه
لك الله يلعن حظي شو ملعون ومتبهدل
حتى حظي المزفت مالو حظ هيك الظاهر
لان لو الو حظ ما كان صار حظي الي انا بالذات
فايت بالحيط طالع من الحيط متل العاهره ماعم هدي
كل شوي من مكان لمكان ومن خازوق لخازوق
وهي قلت خازوق من شان تعرفو ان تطورت وبطلنا شغلة الجزره
لان الدنيا صارت بعام 2009 لاتقرفو
يعني اذا بعام 2008 اكلت 2008 خازوق
بقى هالسنه زاد خازوق وهي بمسوها ترقيه
وزيادة راتب قصدي زيادة خازوق
شايفين ؟ شو بدي احسن من هالعيشه
عايش بنعيم لو صحت لستي ما ماتت

أحياناً أتسائل؟! ومانفع أن أنثر بعض دمعٍ جاف هنا أو هناك؟!

وأنوي ألا أفعل ذلك ؟

مللتُ من كوني (الحمار)الذي يجري خلف (الجزرة) ظاناً أنها وردة؟!

غريبٌ أنا وكم هي غريبةٌ غرابتيّ ؟؟

أنا نفسيّ أستغرب من نفسي وكلما قرأت ما كتبت

هَهْ ......أستغرب من هذا الأحمق؟؟الذي كتب....... ماذا يريد؟؟

ليس هذا زمن الجنون ولا التفلسف في الأمور

وتعود نفسي اللئيمة وتُحدثني:إذاً زمن ماذا ؟؟

زمن العشق والتمعشق زمن الثورة ؟ زمن الثرثرة

زمن عمل من لا عمل لديهم؟؟ زمن موانع الحمل؟؟

إنه زمن الجنون زمن الارتباك والغرق في التساؤل

تسائل أيها الغريب العجيب أيها المتبارد عن سبق اصرار وتصميم

هلّوس - دوووووووخ ودوخني أنا نفسك؟؟

مووووووووت وموتني فيك الله يخليك

يبقى زمن الجنون ((أرحم)) من زمن التعهر الاذاعي والتلفزيوني

هذا عصر الجنون؟؟ أنت تُعاصر الجنون ويعصرك هوَ

يقتل الاحساس فيك ويغتصبني أنا نفسك فيك؟؟

شي عجيب كيف ماشي مخشخش مندون خشخاشة
*____*____*____*____*____*____*
Idea

دعينيّ مستمتعاً بالشعور باللاشعور؟!

دعينيّ غارقٌ أهلوس أترنح بالحرف

أستمع لفيروزي 24/24 وينهمر الحزن مثل القدر

ناديتك من حزني عرفت إنك معي....

... وسعي يا مطاااااااارح ويا أرض اركعي

طريق النحل

أنت وأنا يا ورد... وحدنا... هونيك ليلة برد

لاشيء ممتع أكثر من معاشرة الحرف

تباً لهرموناتي المذكرة

حتى في الأغنية تقدر أن تُميّز بين الحرف الذكري والحرف الأنثوي

ولا يتسرع أحد فالنيّة هي الحكم

أنا أتطلع نحو قدسية الأنثى في الحرف

الله في علياءه قسّمْ الدنيا والزهر والحرف

الى ذكر وانثى..

اذاً قبل أن يتهمني أحدكم ((بالفحولة))

فلتتهموا أنفسكم بعدم تذوّق اللاشعور

يا آلله ما ألذه وما أغناه وما أعظمه

أن تنتشي بالنشوة مندون شيء يذكر؟!

أن يضيع الضياع ويموت الموت ويختلي الجرح بالسكيّن

الذكر بالأنثى

المجنون بالجنون

حاولت جاهداً أن أُفلتر ذاتي لتنجلي هذي الغشاوات والطلاسم

وبفرد مرة سمة الطلطميس من على وش الئشطة

التي مندون أي ذنب تتحول الى أشلميش

الشطارة مو بالتلاعب بالعدادات

أبداً ؟؟ لكي تنجح عليك ألا تكتفي بالرد اللي بيشبه البرد

جلوس ؟؟ برملك كذا برمة وانتة بأرضك لا رحت ولا جيت

وبنفس الوئت هنن لا طلوا ولا اتصلوا ولا من يحزنون

ثور على وضعك بالشهر المفروض

هناك في الأفق تلوح بارقة أمل

بتعرف شو يعني أمل
ممممممم رح اشرحلك وحاول أوصل لنتيجة

لأنك يا أما الله يصلحك يا أما الله يهديك

مابتعرف ازا زاد الشيء عن حدهِ انقلب لضدهِ بالكسرة

ضميرها أنتة بما أنو هية بلا ئلب وبلا ضمير

لامتصل ولا منفصل

فيك تئول ضمير منقرض؟؟؟؟؟؟؟

لك آآآآآآآه منك أنتة ومن حكياتك وعاملي حالك مابتعرف شي؟؟
وعااا من هالغيببوبة وعااا

ازا مو على حالك على نفسك انتة بذاتك

بكرة مابتلائي غير كلون عندون سيارات وحدك متل الحرب بلا شرارة

بدك فت خبز وجكافة أنواع المعجنات

بدك خراطة وتسوية وحت وتعرية

من هوووووووون للصالوووووووون هيك هيك بتلف عاليمين

بتلائيني لابس وشي بالمئلوب

عيوني مفتحين ...بتعرف عيوني متل النرجس

بيحبوا الدفا يكون بارد

أنتة حظك متل حمام السوء ضايعة طاستو

وشغال ئلبك غسيل وكوي وتنشيف ولحئ طلبات

أكوي -أكوي

ودع عنك كل شي بيغلي وبيطير

سئفي منخفض كتير ئدام الآوادم من نظرة بنطفي

كيف ازا نظرة ذات مغزى ؟؟بدوب متل الئشطة

شو منفهم من كل هالطرقعة الأصابع ؟؟

في شي بدو تفجير أو كفكير مابتفرء التنين للتحريك

الجلي يكون راكز مشان ما زفر لساني عغفلة

بتعرف لساني مو بس حصاني لأ وكل وسائل النقل كمان

وأورغ ودف وعود. وباي

انا متخوزق

كمان انا اليوم متخوزق

أنا عنكِ ما أخبرتُ لكنهم لمحوكِ في عيوني

يااا لرب السماء ما أقسى قلبكِ
كيف يخلق الله قلوباً مثل الحجر
هنا ....أجترُ
أيامي الحمراء معكِ
وأنتِ ...يـــــــا أنتِ
ستشربين من سُمّْكِ أنتِ
الأفعى حين تُحاصر تلدغ نفسها
وأنا .... سأبقى
عجيب كيف ماشي مخشخش مندون خشخاشة
pirat

لكني واثقٌ
أني أنا أعيش حالة عطالة وحل وسط
وأنتِ موتي بنار غلّْكِ
فكثيرٌ عليكِ حتى الموت
أنا ...بالظل أكتوي وأصطلي
وأنتِ بعز دين الشمس
أسرحي وامرحي
لأن الساعة آتية
وستدفعين ثمن كل قطرة
من الآن حتى وقتها
أمانة واصل خلص حلفت ما بتدفعي
،،، يتبع،،،
في وقت لاحق